Thursday, April 12, 2018

ரஜினி பாஜகவின் கைக்கூலியா? ஒரு ரசிகனின் பதில்


1990-களின் தொடக்கத்தில், ரஜினி ஒரு காங்கிரஸ் ஆதரவாளராகவே பார்க்கப்பட்டார். அதற்கு காரணம் மூப்பனார் மற்றும் ப.சிதம்பரம் ஆகியோரிடம் கொண்டு இருந்த நட்பு தான். 1996- ஆம் ஆண்டு சட்டமன்ற தேர்தலில் மூப்பனார் அவர்களை, முதல்வர் வேட்பாளராக நிற்குமாறு வலியுறித்தினார். அவர் மறுத்ததால் திமுக - தா .ம. க கூட்டணியை ஆதரித்தார். பின்பு நடந்த 1998 ஆம் ஆண்டு பாராளுமன்ற தேர்தலின் போதும் திமுக - தா .ம. க கூட்டணியை ஆதரித்தார். தனது ரசிகர்களையும் ஆதரவு தருமாறு கேட்டுக் கொண்டார். 1998 ஆண்டு தான் கடைசியாக ரஜினி தன்னுடைய ரசிகனை இன்னொரு கட்சிக்கு ஓட்டு போடுமாறு கேட்டுக்கொண்ட கடைசி முறை.

                                   



2004-ஆம் ஆண்டு பாராளுமன்ற தேர்தலின் போது, வாஜ்பாய் அவர்கள் இந்திய அளவில் நல்லாட்சி வழுங்குவதாகவும் (இதில் தமிழ்நாட்டு மக்களுக்கு மாற்று கருத்து இருக்காது என்று நினைக்கிறன்), எனவே என்னுடைய ஓட்டு வாஜ்பாய் அவர்களுக்குத்தான் என்று கூறினார். நான் வாஜ்பாய் அவர்களுக்கு ஒட்டு போடுகிறேன் என்பதற்காக எனது ரசிகர்கள் அவருக்கு ஓட்டு போட வேண்டிய அவசியம் இல்லை. அவர்களது சொந்த விருப்பத்திற்கு ஏற்ப ஓட்டு போடலாம் என்று கூறினார்.

பிறகு 2014- ஆம் ஆண்டு வரை, அவர் எந்த ஒரு தேர்தல் நிகழ்விலும் பங்கு ஏற்கவில்லை. கிட்டத்தட்ட 10 வருடங்கள் அமைதியாக இருந்தார். ஆனால் இடைப்பட்ட காலத்தில், அனைத்து கட்சியை சேர்ந்த அரசியல் தலைவர்களும் அவரை சந்திப்பது வழக்கம். இப்படி இருக்கையில், 2014 ஆம் ஆண்டு, மோடி அவர்கள் ரஜினி அவர்களைத் தன் இல்லத்தில் சந்திக்கிறார். வெளியே வந்த ரஜினி, செய்தியாளர்களிடம் பேசும்போது, பா.ஜ.க விற்கு ஒட்டு போடுமாறு ஒரு வார்த்தை கூட கூறவில்லை. தன்னுடைய ஆதரவு யாருக்கு என்பதை பற்றியும் கூறவில்லை. ரஜினி அவர்கள் இது நாள்வரை , கலைஞர், ஜெயலலிதா, நரசிம்மராவ் உள்ளிட்டோரைதான் நேரில் சென்று சந்தித்து இருக்கிறாரே தவிர, பா.ஜ.க தலைவர்கள் யாரையும் அவர் நேரில் சென்று சந்தித்தது இல்லை.(மற்ற சில நடிகர்கள் 2014 ஆம் ஆண்டு தேர்தலின் போது, மோடியை கோவை சென்று நேரில் சந்தித்தது உங்களுக்கு நினைவில் இருக்கலாம்).

அதாவது அவர் கடைசியாக தன் ரசிகர்களை ஓட்டு போட சொன்னது, திமுக மற்றும் தா.ம.க கட்சிகளுக்கு தான். அவர் இது நாள் வரை பா.ஜ.க விற்கு ஓட்டு போடுமாறு தனது ரசிகர்களைக் கேட்டு கொண்டது இல்லை. அவர் இந்து கடவுளை வழிபடுகிறார் என்கின்ற ஒரே காரணத்திற்காக, அவர் பா.ஜ.க ஆதரவாளர் என்றால், அவர்கள் மனநிலையில் பிரச்சனை உள்ளது என்பது தவிர வேறு என்ன கூற முடியும். இனிமேலாவது, அவர் பா.ஜ.க வின் ஆதரவாளன் என்கின்ற கருத்தைப் பரப்புவதை நடுநிலையாளர்கள் நிறுத்த வேண்டும். ரஜினி அவர்கள் அனைத்து மதங்களுக்கும் பொதுவானவர்.

இப்படிக்கு,
அருள்செல்வன்,

Wednesday, April 11, 2018

நடுநிலையாளர்கள் ரஜினியை ஏன் ஆதரிக்க வேண்டும்

விஜயகாந்த், ரஜினியைப் பற்றி சமயம் கிடைக்கும்பொழுது எல்லாம் மிகவும் கடுமையாக விமர்சித்து வந்து இருக்கிறார். நரசிம்மா என்ற மகா உன்னதமான காவியத்தில் , ரஜினியை விமர்சித்து இப்படி ஒரு வசனம் வைத்து இருப்பார். " நான் இப்போ, வருவேன், அப்போ வருவேன்னு பூச்சாண்டி காட்ட மாட்டேன். வரணும்னு முடிவு எடுத்தா உடனே வருவேன்". அந்த படம் அடைந்த இமாலய தோல்வி, விஜயகாந்தின் சினிமா வாழ்க்கையின் முடிவிற்கு ஒரு தொடக்கப்புள்ளியாக அமைந்தது.

                                      




அதன் பிறகு, நெய்வேலி போராட்டத்தின் போது, நெய்வேலில போராட்டம் பண்ணா தண்ணி வருமான்னு ஒருத்தர் கேட்குறாரு!!! உண்ணாவிரதம் இருந்தா மட்டும் தண்ணி வருமா?? அப்படி என்று பேசினார். அவர் அப்படி கூறியதும், அவர் பக்கத்தில் உள்ள குண்டு கல்யாணம் உள்ளிட்ட அல்லக்கைகள், ரஜினியை கிண்டல் செய்யும் விதத்தில் கைதட்டி குதூகலித்தனர். அப்பொழுது, விஜயகாந்த் மீது எனக்கு மிக பெரிய கோபம் ஏற்பட்டது.

அவர் 2005 ஆம் ஆண்டு கட்சி ஆரம்பிக்கிறார். 2006 ஆம் ஆண்டு நடந்த தமிழக சட்டமன்ற தேர்தலில் அவருக்குதான் நான் வாக்களித்தேன். விஜயகாந்த் மீது எனக்கு கோபம் இருந்தாலும், அதனை விட பெரிய கோபம் திமுக மற்றும் அதிமுக அவர்களின் மீது தான். அவர்களை ஆட்சிக்கு வரவிட கூடாது என்கின்ற நியாயமான கோபம் எல்லாரையும் போல் எனக்கும் இருந்தது. அதனால், அவர் தலைவர் ரஜினியைப் பற்றி பேசியதை எல்லாம் மறந்து அவருக்கு வாக்கு அளித்தேன். எனக்கு அப்போதைய பெரிய தேவை மாற்றம் ஒன்று தான். விஜயகாந்தை பொறுத்தவரை நான் அப்பொழுது நடுநிலையாளன்தான். அதன் பிறகு அவர் செய்த கோமாளித்தனங்களைப் பார்த்து, அவருக்கு வாக்களிப்பதை நிறுத்தினேன்.

இதேபோல் தான் விஜயகாந்தை விட பலமடங்கு செல்வாக்கு பெற்ற ரஜினி தற்பொழுது கட்சி ஆரம்பிக்க இருக்கிறார். நடுநிலையாளர்கள் பலர் அவர்மீது சிற்சில விமர்சங்கள் வைக்கின்றனர். அதற்கு ரஜினி தரப்பில் இருந்தும், ரஜினி ரசிகர்கள் தரப்பில் இருந்தும் பல விளக்கங்கள் கொடுக்கப்பட்டு இருக்கிறது. ஆனாலும், தான் பிடித்த முயலுக்கு மூன்று கால் என்ற நிலையிலேயே அவர்கள் இருக்கிறார்கள். அவர்களுக்கு நான் கூறி கொள்வது ஒன்றே ஒன்று தான், நீங்கள் ரஜினியைப் பற்றி வைக்கும் விமர்சனங்கள் அனைத்திலும் துளி கூட உண்மை இல்லை. நீங்கள் அதனை நம்பவில்லை என்றாலும் பரவாயில்லை. நீங்கள் ரஜினியின் மீது வைக்கும் விமர்சனங்கள் அனைத்தும், தமிழகத்தில் உள்ள மற்ற அரசியல்வாதிகளுடன் ஒப்பிடும் போது மலைக்கும் மடுவுக்கும் உள்ள வித்தியாசம் தான். இதனைக் கருத்தில் கொண்டு தமிழகத்தில் நீங்கள் மாற்றத்திற்கு வழிவகுக்க வேண்டும்.

கண்டிப்பாக ரஜினியின் வாக்கு வங்கி என்பது திமுக மற்றும் அதிமுகவிற்கு மாற்று என்று முன்வைக்கின்ற மற்ற அரசியல்வாதிகளை விட மிக அதிகமாக இருக்கும். இதனை நாம் சென்ற தேர்தலில் கண்கூட பார்த்து இருக்கின்றோம். இனவெறி, ஜாதிவெறி கொண்ட அவர்களால் இன்னும் 10 ஜென்மம் எடுத்தாலும் திமுக மற்றும் அதிமுகவிற்கு மாற்றாக நிச்சயமாக வர முடியாது. அதனால், நடுநிலையாளர்கள் அனைவரும் ரஜினிக்கு வாக்களித்து, ரஜினியின் வெற்றியை உறுதி செய்ய வேண்டும். அப்படி நீங்கள் நினைத்த மாதிரி அவர் செயல்படவில்லையென்றால், அவரே மூன்று வருடங்களில், அவர் கூறியது போல் ராஜினாமா செய்வார். இல்லையென்றால், நீங்கள் அவரை ஓட்டு என்கின்ற ஆயுதத்தின் மூலம் மறுபடியும் நிராகரிக்கலாம். மாறாக, நீங்கள் இந்த முறை ரஜினிக்கு வாக்களிக்கத் தவறினால், இன்னும் 100 வருடங்களுக்கு திமுக மற்றும் அதிமுகதான் ஆட்சியில் இருக்கும்.

இப்படிக்கு,
அ.அருள்செல்வன்.

விஜயகாந்த், ரஜினியைப் பற்றி சமயம் கிடைக்கும்பொழுது எல்லாம் மிகவும் கடுமையாக விமர்சித்து வந்து இருக்கிறார். நரசிம்மா என்ற மகா உன்னதமான காவியத்தில் , ரஜினியை விமர்சித்து இப்படி ஒரு வசனம் வைத்து இருப்பார். " நான் இப்போ, வருவேன், அப்போ வருவேன்னு பூச்சாண்டி காட்ட மாட்டேன். வரணும்னு முடிவு எடுத்தா உடனே வருவேன்". அந்த படம் அடைந்த இமாலய தோல்வி, விஜயகாந்தின் சினிமா வாழ்க்கையின் முடிவிற்கு ஒரு தொடக்கப்புள்ளியாக அமைந்தது.

அதன் பிறகு, நெய்வேலி போராட்டத்தின் போது, நெய்வேலில போராட்டம் பண்ணா தண்ணி வருமான்னு ஒருத்தர் கேட்குறாரு!!! உண்ணாவிரதம் இருந்தா மட்டும் தண்ணி வருமா?? அப்படி என்று பேசினார். அவர் அப்படி கூறியதும், அவர் பக்கத்தில் உள்ள குண்டு கல்யாணம் உள்ளிட்ட அல்லக்கைகள், ரஜினியை கிண்டல் செய்யும் விதத்தில் கைதட்டி குதூகலித்தனர். அப்பொழுது, விஜயகாந்த் மீது எனக்கு மிக பெரிய கோபம் ஏற்பட்டது.

அவர் 2005 ஆம் ஆண்டு கட்சி ஆரம்பிக்கிறார். 2006 ஆம் ஆண்டு நடந்த தமிழக சட்டமன்ற தேர்தலில் அவருக்குதான் நான் வாக்களித்தேன். விஜயகாந்த் மீது எனக்கு கோபம் இருந்தாலும், அதனை விட பெரிய கோபம் திமுக மற்றும் அதிமுக அவர்களின் மீது தான். அவர்களை ஆட்சிக்கு வரவிட கூடாது என்கின்ற நியாயமான கோபம் எல்லாரையும் போல் எனக்கும் இருந்தது. அதனால், அவர் தலைவர் ரஜினியைப் பற்றி பேசியதை எல்லாம் மறந்து அவருக்கு வாக்கு அளித்தேன். எனக்கு அப்போதைய பெரிய தேவை மாற்றம் ஒன்று தான். விஜயகாந்தை பொறுத்தவரை நான் அப்பொழுது நடுநிலையாளன்தான். அதன் பிறகு அவர் செய்த கோமாளித்தனங்களைப் பார்த்து, அவருக்கு வாக்களிப்பதை நிறுத்தினேன்.

இதேபோல் தான் விஜயகாந்தை விட பலமடங்கு செல்வாக்கு பெற்ற ரஜினி தற்பொழுது கட்சி ஆரம்பிக்க இருக்கிறார். நடுநிலையாளர்கள் பலர் அவர்மீது சிற்சில விமர்சங்கள் வைக்கின்றனர். அதற்கு ரஜினி தரப்பில் இருந்தும், ரஜினி ரசிகர்கள் தரப்பில் இருந்தும் பல விளக்கங்கள் கொடுக்கப்பட்டு இருக்கிறது. ஆனாலும், தான் பிடித்த முயலுக்கு மூன்று கால் என்ற நிலையிலேயே அவர்கள் இருக்கிறார்கள். அவர்களுக்கு நான் கூறி கொள்வது ஒன்றே ஒன்று தான், நீங்கள் ரஜினியைப் பற்றி வைக்கும் விமர்சனங்கள் அனைத்திலும் துளி கூட உண்மை இல்லை. நீங்கள் அதனை நம்பவில்லை என்றாலும் பரவாயில்லை. நீங்கள் ரஜினியின் மீது வைக்கும் விமர்சனங்கள் அனைத்தும், தமிழகத்தில் உள்ள மற்ற அரசியல்வாதிகளுடன் ஒப்பிடும் போது மலைக்கும் மடுவுக்கும் உள்ள வித்தியாசம் தான். இதனைக் கருத்தில் கொண்டு தமிழகத்தில் நீங்கள் மாற்றத்திற்கு வழிவகுக்க வேண்டும்.

கண்டிப்பாக ரஜினியின் வாக்கு வங்கி என்பது திமுக மற்றும் அதிமுகவிற்கு மாற்று என்று முன்வைக்கின்ற மற்ற அரசியல்வாதிகளை விட மிக அதிகமாக இருக்கும். இதனை நாம் சென்ற தேர்தலில் கண்கூட பார்த்து இருக்கின்றோம். இனவெறி, ஜாதிவெறி கொண்ட அவர்களால் இன்னும் 10 ஜென்மம் எடுத்தாலும் திமுக மற்றும் அதிமுகவிற்கு மாற்றாக நிச்சயமாக வர முடியாது. அதனால், நடுநிலையாளர்கள் அனைவரும் ரஜினிக்கு வாக்களித்து, ரஜினியின் வெற்றியை உறுதி செய்ய வேண்டும். அப்படி நீங்கள் நினைத்த மாதிரி அவர் செயல்படவில்லையென்றால், அவரே மூன்று வருடங்களில், அவர் கூறியது போல் ராஜினாமா செய்வார். இல்லையென்றால், நீங்கள் அவரை ஓட்டு என்கின்ற ஆயுதத்தின் மூலம் மறுபடியும் நிராகரிக்கலாம். மாறாக, நீங்கள் இந்த முறை ரஜினிக்கு வாக்களிக்கத் தவறினால், இன்னும் 100 வருடங்களுக்கு திமுக மற்றும் அதிமுகதான் ஆட்சியில் இருக்கும்.

இப்படிக்கு,
அ.அருள்செல்வன்.

சத்தியராஜ் என்னும் மானத்(??) தமிழன்



2008 ஆம் ஆண்டு இறுதியில் நடைபெற்ற ஒகேனக்கல் கூட்டு குடிநீர் போராட்டத்தில் கலந்து கொண்ட தமிழ் மற்றும் தமிழக நலனுக்குக்காக பல நன்மைகள் செய்து முடித்து(??) வாழ்ந்து வருகின்ற சத்யராஜ் உள்ளிட்ட சில நடிகர்கள், ரஜினியை மேடையில் வைத்து கொண்டு, அவரை எந்த அளவிற்கு அவமான படுத்தினார்கள் என்பது எல்லார்க்கும் தெரியும். இதனால் கடும் மன உளைச்சலில் பேச வந்த ரஜினி, தன்னையும் அறியாமல் கன்னட அமைப்பினரைப் பார்த்து கோடாரியால் வெட்ட வேண்டும் என்று கூறிவிட்டார். நான் சிறு வயதில் இருந்து பார்த்தவரை ரஜினி இந்த அளவிற்கு உணைர்ச்சி மிகுதியால் பேசியது இல்லை.
 
                                             


இதனால், ஆத்திரம் அடைந்த கன்னட அமைப்பினர் சில மாதங்களில் வெளிவந்த குசேலன் படத்தை, ரஜினி மன்னிப்பு கேட்டால்தான் திரையிடுவோம் என்று கூறினர். எனக்கு மேடை அனுபவம் இல்லாததால், சில தகாத வார்த்தைகளை கூறிவிட்டேன் , அதற்கு வருத்தம் தெரிவிக்கிறேன்" என்று ரஜினி கூறினார். ஒக்கனேக்கல் பிரச்சைனையிலோ அல்லது காவிரி பிரச்சனையிலோ தான் தமிழகத்தை ஆதரிப்பது தவறு என்று அவர் மன்னிப்பு கேட்கவில்லை. அவர்களை கோடாரியால் வெட்டுவேன் என்று கூறியதற்குதான் மன்னிப்பு கேட்டார்.

அப்பொழுது சத்யராஜ், "தனக்கு இந்த மாதிரி சூழ்நிலை வந்து இருந்தால், நான் மன்னிப்பு கேட்க மாட்டேன்" என்று கூறினார். இவன்தான்டா தமிழன் என்று கொடி தூக்க ஆரம்பித்தார்கள். அவர் அப்படி கூறியதற்கு இன்னொரு முக்கிய காரணம், அவர் படம் தமிழ்நாட்டிலே ஓடாது. கர்நாடகாவிலா ஓடப் போகிறது என்கின்ற தைரியம் தான்.

அவர் நினைத்தது போலவே, 2008 முதல் 2017 வரை, சத்யராஜ் 30க்கும் மேற்பட்ட படங்களில் நடித்தார். கன்னட அமைப்பினர் கண்டு கொள்ளவே இல்லை., ஏன் ? தமிழ்நாட்டிலே அவர் படம் வந்ததா ?? என்று கூட நமக்கே தெரியாது. ஷாருக் கானுடன் அவர் நடித்த சென்னை எக்ஸ்பிரஸ் படமும், ஷாருக் திரையுலக வரலாற்றில் மிக பெரிய தோல்வியை சந்தித்தது. அந்த நேரத்தில் 2015 ஆம் ஆண்டு பாஹுபலி வருகிறது. அந்த படத்தையும் கன்னட அமைப்பினர் கண்டு கொள்ளவில்லை. அந்த படம் அடைந்த இமாலய வெற்றியைப் பார்த்து, பாஹுபலி 2 படம் நிச்சயமாக வெற்றி பெரும். சத்யராஜ் மட்டும் தனியாக நடித்து ஒரு படம் கர்நாடகாவில் வெற்றி வர இந்த ஜென்மத்தில் வர வாய்ப்பு இல்லை என்று நம்பிய கன்னட அமைப்பினர் அதற்கு எதிர்ப்பு தெரிவித்தனர். நம்ம படத்திற்கு கர்நாடகாவில் எதிர்ப்பா என்று மனதிற்குள் சந்தோஷத்தில் திக்குமுக்காடி போனாலும், வெளியே வீர தமிழன் போல் பேசி வந்தார். பிறகு, வேறு வழியே இல்லாமல், கன்னடர்களிடம் மன்னிப்பு கேட்டார். மன்னிப்பு கேட்டுவிட்டு, வருத்தம் தான் தெரிவித்தேன் என்று மீசையில் மண் ஒட்டாதது போல் பேசினார்.

அதாவது அவர் பேசி 10 வருடம் கழித்து, ஒரு படத்திற்கு மன்னிப்பு கேட்க வைத்தனர். இதுவே, அவருக்கு மிக பெரிய அவமானம். அதுவும் தான் நாயகனாக நடிக்காத ஒரு படத்திற்கு. இதில் இவர் இராணுவமே வந்தாலும் பயப்பட மாட்டாராம். போன் வொயரு பிஞ்சி பல வருஷம் ஆச்சு சத்யராஜ் சார் !!!

ரஜினி என்னும் தலைவன்



ரசிகர்கள் எதிர்பார்த்தது போல் ரஜினி அரசியலுக்கு வந்தாயிற்று !!! அவரை முதல்வர் ஆக்கும் மிக பெரிய கடமை நம்மிடம் உள்ளது. இனியும் ரஜினியை நடிகனாக முன்னுறுத்தி பயன் இல்லை. அவரை தலைவராக முன்னிறுத்த வேண்டிய நேரம் வந்தாயிற்று!!! 
 
                                 


எம்.ஜி.ஆரின் மிக பெரிய வெற்றிக்கு காரணம், அவரும் சரி, அவரது ரசிகர்கர்களும் சரி. எம்.ஜி.ஆரை நம் சமகாலத்து அரசியல் கட்சி தலைவரான கலைஞரை விட மிக பெரிய தலைவராக காட்ட விரும்பினார்களே தவிர, அண்ணா, பெரியார், காமராஜர் போன்றவர்களை விட பெரிய தலைவராக காட்ட விரும்பவில்லை. அதற்கு ஒரு முக்கிய காரணம், எம்,ஜிஆர் தன்னுடைய தலைவராக அண்ணா அவர்ளை ஏற்றுக்கொண்டது கூட இருக்கலாம். ரஜினியை பொறுத்தவரை , ரஜினி நிச்சயமாக தன்னுடைய அரசியல் தலைவராக யாரையும் அறிவிக்க மாட்டார். எல்லா தலைவர்களிடமும் உள்ள, நல்ல குணங்களை மட்டும் எடுத்துக்கொண்டு செயல்படுவார்.இதனைத்தான் ஜெயலலிதாவின் ஆளுமை, கலைஞரின் தன்னம்பிக்கை , எம்.ஜி.ஆரின் ஏழைகளுக்கான ஆட்சி, ஆகியவை தன்னை மிகவும் கவர்ந்ததாக எம்.ஜி.ஆர் சிலை திறப்பு விழாவில் கூறினார்.

ஆனால் பல ரசிகர்கள் என்ன செய்கின்றனர்?? ரஜினியை பெரியார், அண்ணா ,ஜெயலலிதா, கலைஞர் உள்ளிட்ட தலைவர்களை விட மிக பெரியவராக காட்ட முயல்கின்றனர். இது மிக பெரிய தவறு. மிக பெரிய ஆபத்தை உண்டாக்கும். ரஜினியை ஸ்டாலின்,கமல் ,OPS ,EPS ,அன்புமணி, சீமான் போன்ற சமகாலத் தலைவர்களை விட பெரிய தலைவர் என்பதை தான் மக்களுக்கு சொல்ல வேண்டும். அதைத் தான் அவர்கள் மனதில் பதிய வைக்க வேண்டும். ரஜினியே தற்பொழுது தான் தமிழ்நாட்டில் வெற்றிடம் ஏற்பட்டு இருப்பதாக தெளிவாக கூறியுள்ளார். அதேபோல், சமகால அரசியல் தவறுகள் மற்றும் திட்டங்களை மட்டும் விமர்சனம் செய்ய வேண்டும் .மாறாக, அண்ணா, எம்,ஜிஆர், பெரியார், கலைஞர்,ஜெயலலிதா ஆகியோரின் கொள்கைகளையும் அவர்களின் திட்டங்களையும் விமர்சனம் செய்வது, அவர்களை நேசிக்கும் தொண்டர்களிடம், ரஜினி மீது வெறுப்பை உண்டாக்கலாம்.

அண்ணா,பெரியார் போன்றவர்கள் திமுக, அதிமுக ஆகிய இரு கட்சிகளுக்கும் சொந்தமான பெரிய தலைவர்கள். அவர்களை பற்றி தவறாக பேசினால், பெருவாரியான மக்களுக்கு நம் மீது வெறுப்பு ஏற்படலாம். அதேபோல் கலைஞர், திமுகவினர் நேசிக்கும் ஒரு பெரிய தலைவர். திமுகவினர் பலர் ஸ்டாலின் மீது தற்பொழுது கோபமாக உள்ளனர். அதனை தான் நாம் பயன்படுத்த வேண்டும். மாறாக, இந்த நேரத்தில் கலைஞரை பற்றி நாம் தவறாக பேசினால், அவர்களுக்கு ரஜினி மீது வெறுப்பு ஏற்படலாம். அதேபோல் தான் எம்.ஜி.ஆர். மற்றும் ஜெயலலிதா. அதிமுகவினருக்கு தற்பொழுது OPS மற்றும் EPS மீது வெறுப்பு உள்ளது. அதனை தான் நாம் பயன்படுத்த வேண்டும். அதைவிட்டுவிட்டு எம்.ஜி.ஆர், ஜெயலலிதாவை நாம் விமர்சனம் செய்தால், அதிகவினருக்கும் ரஜினி மீது வெறுப்பு ஏற்படலாம்.

இதையே தான் ரஜினியை ஆதரித்து தொலைக்காட்சிகளில் பேசும் பலர் செய்கின்றனர். தலைமை என்னதான் விளக்கம் கொடுத்தாலும், ரஜினியை ஆதரித்து தொலைக்காட்சிகளில் பேசுபவர்களின் கருத்துக்களை ரஜினியின் கருத்தாக நம்ப பல பேர் இருக்கின்றனர். ரஜினியை ஆதரித்து பேசுகிறேன் என்ற போர்வையில் பாஜகவை சேர்ந்த சிலர் பெரியார், அண்ணா,கலைஞர் ஆகியோரை மிகவும் கீழ்த்தரமாக விமர்சிக்கின்றனர். நான், மனது விட்டு சொல்கிறேன். குறிப்பாக ஒரு அமைப்பை சார்ந்த ஒருவர்( (பெயர் சொல்ல விரும்பவில்லை) , ரஜினியை ஆதரித்து பேசும் ஒவ்வொரு விவாத நிகழ்ச்சியிலும் நாம் சில ஓட்டுக்களை இழக்கின்றோம். இதனைத்தடுக்க தலைமை சார்பாக தொலைக்காட்சி நிகழ்ச்சிகளில் பேச மிக சிறந்த அறிஞர்களை கூடிய விரைவில் தேர்வு செய்து ரஜினி அறிவிக்க வேண்டும். அவர்களுக்கு சமகால அரசியல் தலைவர்கள் மற்றும் சம்பவங்களை மட்டும் குறிப்பிட்டு பேச அறிவுறுத்தப்பட வேண்டும்.

இதனால் பெரியார், அண்ணா,ஜெயலலிதா,கலைஞர், எம்.ஜி,ஆர் போன்றவர்கள் விமர்சனத்துக்கு அப்பாற்பட்டவர்களா?? என்று கேட்பது எனக்கு புரிகிறது. கண்டிப்பா கிடையாது தான். தற்பொழுதைய நிலையில் நாம் ரஜினியை வெற்றிபெற செய்வது தான் முக்கியம். நாம் ஏதாவது ஒரு மாற்றத்தை ஏற்படுத்த எண்ணினால் , மாற்றம் செய்யக் கூடிய அதிகாரம் நம்மிடம் இருக்க வேண்டும். இப்போதைக்கு, அர்ஜுனன் அம்புக்கு தெரிந்த கிளியை போல, ரசிகர்களாகிய நமக்கு வெற்றி மட்டுமே கண்ணுக்கு தெரிய வேண்டும்.

இப்படிக்கு,
அ.அருள்செல்வன்.

என்ன ஆச்சு ரஜினி ரசிகர்களுக்கு?


இந்த பதிவு எழுதலாமா? வேண்டாமா? என்று ஒரு வாரம் யோசித்துவிட்டு தான் எழுதுகிறேன்.


                                 






2007 ஆம் ஆண்டு ரஜினியின் சிவாஜி படம் ரிலீஸ் ஆகும் தருணம். ரஜினியும், ஷங்கரும் இணையும் முதல் படம். பாடல்கள் அனைத்தும் பட்டி தொட்டி எங்கும் பிரபலம். ரஜினி ரசிகர்கள் உச்சக்கட்ட ஆர்வத்தில் இருக்கிறார்கள். அதிரடிக்காரன் பாடலுக்கு ரஜினி எப்படி ஆடி இருப்பார். அதனைப் பார்க்க வேண்டும் என்று எண்ணி எனக்கு பல நாட்கள் தூக்கம் கூட தொலைந்தது. அந்த நேரத்தில் ஒரு சோகமான செய்தி வந்தது. அரக்கோணம் ரஜினி ரசிகர் மன்ற தலைவர் குடும்ப பிரச்சனை காரணமாகத் தூக்குப் போட்டு தற்கொலை செய்து கொண்டார். எனக்கு ஒரே ஆச்சிரியம். ரசிகர்கள் பலர் உலகமே அழிந்தாலும் அது சிவாஜி படம் பார்த்துவிட்டு அழியட்டும் என்கின்ற மனநிலையில் இருக்கும்போது, மிக பெரிய ரஜினி ரசிகரான அவர், எதனால் அவ்வாறு செய்தார் என்று எனக்கு அப்பொழுது புரியவில்லை. படத்தை பார்த்துவிட்டாவது இறந்து இருக்கலாமே என்று எண்ணினேன்.

ஆனால், அதன் பிறகுதான் எனக்கு ஒரு உண்மை புரிந்தது. என்னதான் நாம் ரஜினி ரசிகராக இருந்தாலும், பார்ப்பவர்கள் அனைவருக்கும் நாம் ரஜினிக்காக உயிர் கொடுக்கும் பைத்தியங்கள் என்று தோன்றினாலும், நம் குடும்பத்திற்கு அல்லது நமக்கு ஏதாவது பிரச்சனை வந்தால் , அதற்கு தான் முன்னரிமை அளிப்போம். எனக்கு இந்த வாரம் திங்கள் அன்று ஒரு பரிட்சை இருந்தது. என்னை அறியாமல் நான் என்னுடைய பதிவுகளைக் குறைத்துக் கொண்டேன். அனைவருமே அவ்வாறுதான்.

இந்த நிகழ்ச்சிகளை நான் குறிப்பிடுவதற்கு காரணம், ரஜினி முன் வைக்கும் அரசியல்தான். அவரைப் பொறுத்தவரை ரஜினி ரசிகர் மையத்தில் பதவியில் நியமிக்கப்பட்டவர்களும் சரி!! உறுப்பினர்களும் சரி!!! பகுதி நேரமாக இயங்கினால் போதும், ஏனென்றால், அது ஊதியம் பெறாமல் உழைக்கும் ஒரு பதவி மற்றும் தொண்டு. நாம் குடும்பத்தைப் பார்த்துக்கொண்டு, மீதி இருக்கும் நேரத்தில் மன்றத்திற்கு தொண்டாற்றினால் போதுமானது. ஆனால் அரசு பதவி( MLA, MP போன்றவை) வகிப்பவர்கள் முழு நேரமாக செயல்பட வேண்டும். ஏனென்றால், அவற்றுக்கு ஊதியம் தரப்படுகிறது. கட்சி பதவி பகுதி நேரம், அரசு பதவி முழு நேரம். இது தான் ரஜினி முன் வைக்கும் அரசியல்.

இப்படி ரஜினியின் கருத்து இருக்கும்போது, நம் ரசிகர்களிடம் கட்சி பதிவிக்காக சில சண்டைகள் நேர்வதை, நான் சில பதிவுகளில் பார்த்தேன். ரஜினி கூறியது போல, " ரஜினி ரசிகர் மன்றத்தில் பதவி என்பது கூடுதல் சுமை தானே ஒழிய வேறு ஒன்றுமில்லை.நாம், இதுநாள் வரை ரஜினி அரசியலுக்கு வந்தால் போதும் என்று கூறிக் கொண்டு இருந்தோம். இந்த வயதிலும், ரசிகர்களைக் காப்பாற்ற வேண்டும், தமிழக மக்களைக் காப்பாற்ற வேண்டும், தலைவன் இல்லாமல் தவிக்கும் நம் தமிழகத்திற்கு நல்ல தலைவனாக இருக்க வேண்டும் என்று எண்ணி ரஜினி அரசியலுக்கு வருகிறார். நாம் இந்த மாதிரி சிற்சில சண்டைகள் மூலம், அவருக்கு அவப்பெயரை ஏற்ப்படுத்த வேண்டாம். நாம் ஒன்று இணைவது ரஜினியை நம்பிதானே தவிர, அவரால் நியமிக்கப்பட்ட உறுப்பினர்களை நம்பி அல்ல. அதனை மனதில் கொள்ள வேண்டும்.

ரசிகர் மன்றத்திற்கு எவ்வளவோ, தொண்டாற்றி உள்ள எனக்கு இதுநாள் வரை ரசிகர் மன்ற டிக்கெட் கிடைத்தது இல்லை. எத்தனையோ முறை தலைவரிடம் புகைப்படம் எடுக்க பல பேரிடம் மன்றாடி உள்ளேன். ஆனால் இதுவரை வாய்ப்பு கிடைக்கவில்லை.நான் எத்தனையோ ரஜினி பற்றி பதிவுகள் எழுதி உள்ளேன். அதனை கொஞ்சம் ஷேர்செய்யுமாறு rajinifans facebook பேஜ்-இல் பலமுறை கேட்டு உள்ளேன். அவர்கள் ஷேர் செய்தது கிடையாது. ரஜினி மக்கள் மன்றத்திற்கு உறுப்பினர் சேர்க்கை செய்யவேண்டும் என்று சொன்னவுடன், கண்டிப்பாக நம்மிடம் உறுப்பினர் படிவம் எல்லாம் கொடுக்கமாட்டார்கள் என்று எண்ணி, வார இறுதி நாட்களில், என்னுடைய, சொந்தக்காரர்கள் மற்றும் உறவினர் இல்லங்களுக்கு நானே நேரில் சென்று, அவர்களிடம் ரஜினி வெற்றி பெற வேண்டிய அவசியத்தைக் கூறி, என்னுடைய மடிகணினியில் அவர்களை உறுப்பினராக பதிவு செய்தேன். நான் யாருக்காகவும், எதற்காகவும் காத்து இருக்கவில்லை. மன்றத்தில் பதவியில் இருப்பவர்கள் சேர்ந்து வேலை செய்ய வாய்ப்பு கொடுத்தால், சேர்ந்து பணியாற்றுவேன். இல்லையேல் ரஜினிக்காக என்னால் முடிந்தவரை தனியாக பணியாற்றுவேன்.

அதனால் யாருக்காகவும், எதற்காகவும் காத்திராமல், எந்த பதவியையும் எதிர்பாராமல், ரஜினி என்ற ஒற்றை நல்ல மனிதனுக்காக நம் சேவையை செய்வோம். மாறாக, மக்கள் மன்றத்தில் உள்ளவர்களும், ரஜினி அளவிற்கு பெருந்தன்மையாக இருப்பார்கள் என்று ரசிகர்கள் நம்பினால் பல சமயம் ஏமாற்றமே மிஞ்சும். ஆனால் ரஜினியால் பதவியில் நியமியக்கபட்டவர்கள், ரசிகர்களுக்கு வேண்டுமானால் துரோகம் செய்யலாம், ஆனால் கண்டிப்பாக ரஜினிக்கு செய்யமாட்டார்கள் என்கின்ற நம்பிக்கை எனக்கு இருக்கிறது. எனவே, நாம் அனைவரும் ரஜினிக்கு மட்டுமே என்றென்றும் காவலர்கள். நம் பிரச்சனைகளை மறந்துவிட்டு, முடிந்தால் கூட்டாக, இல்லேயேல் தனியாக நின்று ரஜினியை முதல்வர் நாற்காலியில் அமர வைப்போம்.

இப்படிக்கு,
அ.அருள்செல்வன்.

ரஜினியை ஆட்சியில் அமர வைக்க செய்ய வேண்டியது என்ன?


நேற்று திடீரென்று எனக்கு தோன்றிய யோசனை இது. மிகவும் முட்டாள்தனமாகக்கூட இருக்கலாம். உங்கள் கருத்துக்களை கமெண்டில் கூறலாம். நம் அன்றாட வாழ்வில், தினமும் பல உதவிகளை செய்கின்றோம். அவற்றை நாம் எங்கும் பதிவு செய்வது கிடையாது. அதற்கு ஒரு முக்கியமான காரணம், நாம் செய்த உதவிகளை கூறினால், இவன் பெருமை பிடித்தவன் என்று நினைப்பார்கள் என்கின்ற காரணம் தான். ஆனால்,தற்போதைய உலகில் நாம் செய்த உதவிகளை மற்றவர்கள் இடம் நாம் கூறினால், அவர்களும் அதனை செய்யவேண்டும் என்கின்ற எண்ணம் ஏற்படலாம். நாம் செய்கின்ற உதவிகள் அனைத்தையும் நாம் ஆதாரத்துடன் பதிவு செய்ய வேண்டும். அந்தப்பதிவில், #helpbyRajinifan என்று குறிப்பிடவேண்டும். இவ்வாறு நாம் செய்யும்போது, ரஜினியின் ரசிகர்கள் மீது மதிப்பு ஏற்படும். அதுமட்டுமில்லாமல் தலைவரின் புகழுக்கும் இது உதவும். ஒரு நாளைக்கு 50 உதவிகள்(ஆதாரபூர்வமாக) #helpbyRajinifan என்கின்ற டேக்கில் பதிவானாலே, அது நமக்கு மிக பெரிய வெற்றி. இப்படி நாம் செய்தால், மற்ற கட்சி தொண்டர்களும் இப்படி செய்ய வாய்ப்பு உண்டு. அதனால் சமூகவலைத்தளம் முழுவதும், ஒரு விதமான நற்க்கருத்துகளே பரவும்.
 


உதவிகள் எவ்வளவு சிறியதாக வேண்டுமானால் இருக்கலாம். ஆனால் கண்டிப்பாக ஆதாரம் இருந்தால் தான், அதன்மீது நம்பகத்தன்மை வரும்.( உதாரணம், முதியோர்களுக்கு உணவு வழங்குவது, லிப்ட் கொடுப்பது, மருத்துவ செலவிற்கு பணம் கொடுப்பது, கண் தானம் செய்வது, கண் தன முகாம், ரத்த தானம் செய்வது). இந்த கருத்தில், உங்களுக்கு உடன்பாடு இருந்தால் நீங்கள் பகிரலாம். இல்லையென்றால், உங்கள் கருத்துகளை நீங்கள் கூறலாம்.

இப்படிக்கு,
அ .அருள்செல்வன்.

மறப்போம் !!! மன்னிப்போம் - ரஜினிகாந்த்

இன்னாசெய் தாரை ஒறுத்தல் அவர்நாண
நன்னயஞ் செய்து விடல்.

இந்த திருக்குறளுக்கு சிறந்த எடுத்துக்காட்டு நம் ரஜினி தான். ஏன் என்று சில நிகழ்வுகள் மூலம் காண்போம்.






1996 ஆம் ஆண்டு சட்டமன்ற தேர்தலின் போது, ரஜினியை எதிர்த்து பிரச்சாரம் செய்ய, ஜெயலலிதா தேர்ந்து எடுத்த ஒருவர் தான் ஆச்சி மனோரமா. இவருக்கு கொடுத்து இருக்கும் வேலையே ரஜினியைப் பற்றி தரக்குறைவாக பேச வேண்டும். அதாவது, வடிவேலு அவர்களை விஜயகாந்திற்கு எதிராக கலைஞர் எப்படி பயன்படுத்தினாரோ, அப்படிதான் !!! உண்மையிலேயே மனோரமா அப்படி எல்லாம் பேசுவாரா?? என்று எண்ணும் வண்ணம் ரஜினியைப் பற்றி மிகவும் கண்ணியம் இல்லாமல் பேசி விட்டார். ரஜினியை பைத்தியக்காரன் என்று கூறும் அளவிற்கு சென்று விட்டார். தமிழக மக்கள் மற்றும் ஊடகங்கள் அதிர்ந்து விட்டன. வழக்கம் போல் ரஜினியிடம் இருந்து எதிர்வினை எதுவும் வரவில்லை. ( எப்படிதான், இவ்வளவு பொறுமையுடன் நிதானமாக செயல்படுகிறார் என்று தெரியவில்லை). 1996 ஆம் ஆண்டு தேர்தல் முடிவுகள் வருகின்றன. ரஜினி ஆதரித்த திமுக-தாமக கூட்டணி மகத்தான வெற்றி பெறுகிறது. அதன் பிறகு, மனோரமா அவர்களுக்கு பட வாய்ப்பு வரவில்லை. எங்கே, இவருக்கு படம் கொடுத்தால் ரஜினியைப் பகைத்து கொண்டது போல ஆகி விடுமோ?? என்று பயந்தனர்.

இதனை கவனித்த ரஜினி, தான் நடித்த அருணாச்சலம் படத்தில் மனோரமா அவர்களுக்கு வாய்ப்பு கொடுத்தார். அதன் பின் மனோரமா அவர்களுக்கு பட வாய்ப்பு குவிந்தது.

இதனைப்பற்றி சில வருடங்களுக்கு முன்பு நடந்த மனோரமா பாராட்டு விழாவில் குறிப்பிட்ட ரஜினி, உங்கள எவ்வளவோ பேசி இருக்காங்க, உங்களுக்கு மனஸ்தாபம் இல்லையா? அப்படினு நிறைய பேரு என்கிட்டே கேட்டாங்க !!! பில்லா படப்பிடிப்பின்போது "நாட்டுக்குள்ளே எனக்கொரு பேர் உண்டு" பாடல் காட்சி சென்னையில் ஒரு கடற்கரையில் படமாக்கப்பட்டு வந்தது. அப்போ ஷூட்டிங் வேடிக்கை பார்த்த ஒருத்தர் , " பரவாயில்லை!!! பைத்தியம் நல்லா ஆடுது" அப்படினு சொல்லிட்டார். அப்ப நான் நெர்வஸ் பிரேக்டௌன் ஆகி மருத்துவமனையில இருந்து வந்து இருக்கேன். அவர் என்னை பைத்தியம்னு சொன்ன உடனே, ஆச்சிக்கு பயங்கர கோபம் வந்துடுச்சு. அவரை பிடிச்சு கன்னத்துல அடிச்சு, அந்த ஆளு அங்க இருந்து போனாதான் நான் நடிப்பேன்னு சொன்னாங்க!! அந்த ஒரு முறை என்னை காத்த கைகள் எத்தனை முறை என்ன அடிச்சாலும் அத ஏத்துக்கும் !!! அப்படினு சொல்லி மிக நெகிழ்ச்சியாக பேசி முடித்தார். ஆச்சி மனோரமா அவர்களும் கண் கலங்கி விட்டார்.

1993 ஆம் ஆண்டு உழைப்பாளி படப்பிடிப்பின்போது, விநியோகஸ்தர்கள், நடிகர்கள் இடையே ஒரு கூட்டம் நடக்கிறது. அதில் கலந்து கொண்ட விநியோகஸ்தர்கள், நடிகர்கள் சம்பளத்தை குறைக்க வேண்டும். கோடிகளில் எல்லாம் சம்பளம் தர முடியாது என்று கூறுகிறார்கள். அங்கு இருந்த ரஜினி சட்டென்று எழுந்து, இதில் எனக்கு உடன்பாடு இல்லை. மார்க்கெட் இருக்குறதுனாலதான், நீங்க நடிகர்களுக்கு அவ்வளவு சம்பளம் கொடுக்குறீங்க !! உங்களுக்கு விருப்பம் இல்லனா, அவங்களை வெச்சு படம் எடுக்காதீங்க !! அதை விட்டுட்டு சம்பளத்தை குறைத்து கொடுக்க சொல்ல உங்களுக்கு உரிமை இல்லை என்று கூறிவிட்டு வெளியில் சென்று விட்டார். ஆத்திரம் அடைந்த விநியோகஸ்தர்கள், ரஜினிக்கு ரெட் கார்டு போட்டு விட்டனர். உழைப்பாளி படத்தை நாங்கள் வெளியிட மாட்டோம் என்று கூறிவிட்டனர். அதுமட்டுமல்லாமல் ரஜினியைத் தரக்குறைவாக விமர்சனம் செய்தனர். ரசிகர்கள் கொந்தளித்து விட்டார்கள். தமிழ்நாடு முழுவதும் போஸ்டர்கள். "தலைவா!! ஆணையிடு!! விநியோகஸ்தர்களின் தலை உங்கள் முன்னால்" என்கின்ற ரீதியில் அமைந்தன. ரஜினி விபரீதத்தை உணர்ந்தார். தமிழ்நாடு முழுவதும் அனைத்து தியேட்டர்களிலும் நானே படத்தை வெளியிடுறேன் என்று கூறினார்.

விநியோகஸ்தர்கள் தியேட்டர்களைத் தரக்கூடாது என்று திரையரங்கு உரிமையாளர்களை மிரட்டுகின்றனர். அதையும் மீறி தமிழ்நாடு முழுவதும் குறிப்பிட தகுந்த தியேட்டர்கள், ரஜினியிடம் படத்தை நேரடியாக வாங்க முன்வருகின்றன. படமும் மாபெரும் வெற்றி பெறுகிறது. விநியோகஸ்தர்கள் தாங்கள் அவ்வளவு பெரிய தப்பு செய்து விட்டோம் என்று எண்ணி ரஜினியிடம் மன்னிப்பு கேட்டனர். அவருக்கு போடப்பட்ட ரெட் கார்டு விளக்கிக்கொள்ளப்பட்டது அப்பொழுது ரஜினியை மிரட்டிய அனைத்து விநியோகஸ்தர்ககளுக்கும் தன்னுடைய அடுத்த படத்தை கொடுப்பதில் அவர் எந்த இடையூறும் செய்யவில்லை. அதுமட்டுமல்லாமல், உழைப்பாளி படத்தை தன்னிடம் நேரடியாக வாங்கிய தியேட்டர்களுக்கு தன்னுடைய அடுத்தடுத்த படங்கள் தரப்படுகின்றதா ?? என்பதை கண்டறிந்து உறுதி செய்தார். (இதனை சந்திரமுகி படம் வரையில் அவர் உறுதி செய்ததாக ஏதோ ஒரு தியேட்டர் ஓனர் (பெரம்பூர் பிருந்தா??) கூறியதை படித்து இருக்கிறேன்)

1998 ஆம் ஆண்டு மன்சூர் அலிகான், ரஜினியைத் தேவை இல்லமால் தரக்குறைவாக பேசினார். அவருக்கும் பட வாய்ப்பு இல்லாமல் போனது. படையப்பா படத்தில் ஒரு சிறிய ரோல் கொடுத்து அவருக்கு பட வாய்ப்பு வர வழி செய்தார். ஆனால் ,மன்சூர் அலிகான் திருந்துவதாக தெரியவில்லை. தற்பொழுதும் ரஜினியைப் பற்றி தரக்குறைவாக பேசி வருகிறார். கார்த்திக் சுப்புராஜ் - ரஜினி இணையும் படத்தில் நடிக்க இவ்வாறு செய்கிறாரா?? என்று தெரியவில்லை.

பாரதிராஜா - இவரைப்பற்றி கூறவே வேண்டாம். ரஜினியை கேவலமாக விமர்சித்தவர்களில் முதலிடம் இவருக்குத்தான். ஆனால், இவருடைய நடிப்பு தொழிற்கூடத்தை திறந்து வைத்தது நம் ரஜினி தான். இவரை போன்ற ஆட்களுக்கு நிச்சயமாக ரஜினி எவ்வளவு செய்தாலும், வருத்தம் ஏற்படாது. தற்பொழுதும் தேவை இல்லாததை பேசி வருகிறார்.

சத்யராஜ் - பச்சை, மஞ்சள், பிங்க் தமிழன் . ரஜினியை விமர்சித்து பச்சை தமிழன் என்று பெயர் பெற்றவர். இவருடைய மகன் தற்போது நடிக்கும் படத்தின் பெயர் ரங்கா. ரஜினி முழு மனதோடு படத்தின் பெயரை பயன்படுத்திக்கொள்ள சொல்லி இருக்கிறார்.

ஆர்.ஜே.பாலாஜி - கடந்த மே மாதம் ரஜினி போருக்குத் தயாராகுங்கள் என்று கூறியபோது, அவர் வீட்டில் பேரன், பேத்திகளோது, விளையாடட்டும் என்று கூறியவர். இவருக்கு ஜல்லிக்கட்டு வீரன் என்று நினைப்பு. ஆனால் அடுத்த இரண்டாவது மாதத்தில் நடத்த 2.0 இசை வெளியீட்டு விழாவைத் தொகுத்து வழங்கியதே இவர்தான். அதற்கு ரஜினி எந்த எதிர்ப்பும் தெரிவிக்கவில்லை.

இதுபோன்று, இன்னும் நிறைய நிகழ்ச்சிகளை சொல்லி கொண்டே போகலாம். இது வரை ரஜினியாக சென்று யாரையும் புண்படுத்தும் வண்ணம் பேசியது கிடையாது. அதேபோல், மற்றவர்கள் பேசினாலும், அமைதி காத்து, அவர்கள் மனம் நோகும்படி நல்லது செய்து விடுவார். இவரை விமர்சனம் செய்பவர்கள், நாம் எதற்காக இவரை விமர்சனம் செய்கிறோம் என்று தங்களை ஒரு முறை சுயபரிசோதனை செய்து கொள்வது மிகவும் நல்லது.பொறுமையே உனக்கு மறு பெயர் தான் ரஜினியா?

இப்படிக்கு,
அ.அருள்செல்வன்

Wednesday, March 7, 2018

ரஜினி பாமக மோதல் - வென்றது யார் ?? இறுதி பாகம்

2004 ஆம் ஆண்டு பாராளமன்ற தேர்தலில் என்னுடைய முடிவு குறித்து வரும் ஞாயிற்றுக் கிழமை அறிவிப்பேன் என்று ரஜினி கூறியது முதல், தமிழக தேர்தலில் நெருப்பு பற்றிக்கொண்டது. இதனை அவர் 4 நாட்களுக்கு முன்பே தெரிவித்து விட்டதால், அவர் ஞாயிறு அன்று என்ன கூறுவார் என்று அரசியல் கட்சிகளுக்கு ஒரே தவிப்பு. கலைஞர் அவர்களின் நட்பு காரணமாக அவருக்கு எதிராகவும் பேச முடியாமல், ஜெயலலிதாவிற்கு திடீரென்று ஆதரவு தெரிவித்தால் தன்னுடைய நம்பகத்தன்மை போய்விடும் என்கின்ற நிலையில், தன்னுடைய ரசிகர்கள் பாமகவால் தாக்கப்பட்ட வேலையில், ரஜினி என்ன முடிவு அறிவிப்பார் என்று எவராலும் யூகிக்க முடியவில்லை. முக்கியமாக, அப்பொழுது தான் எனக்கு 18 வயது நிரம்பி இருந்தது. முதல் முறையாக ஓட்டுப் போடும் தகுதியை அடைந்து இருந்தேன். ரஜினி யாரைக் கை காட்டுகிறாரோ அவருக்கு ஒட்டுப் போடலாம் என்கின்ற முடிவில் இருந்தேன்.



அந்த நாள் வந்தது. ராகவேந்திர மண்டபம் முழுவதும் கல்யாண நாள் போல் கூட்டம். ஆனால் இந்த முறை வந்து இருந்தது, அனைவரும் பத்திரிகையாளர்கள். மின்னல் வேகத்தில் வந்த ரஜினி, தான் கொண்டு வந்து இருந்த அறிக்கையை படிக்க ஆரம்பித்தார். டாக்டர். ராமதாஸ் வன்முறைகளின் ராஜாவாக திகழ்கிறார் என்று கடுமையான விமர்சனத்தை வைத்தார். உங்களுடைய நல்ல நேரம், நீங்கள் என் நண்பர்கள் கூட இருக்கிறீர்கள்!! இந்த தேர்தலில், பாமக போட்டியிடும் ஆறு இடங்களிலும் என்னுடைய ஆதரவு திரு. வாஜ்பாய் அவர்களுக்கு என்று தெரிவிக்கிறார். அதற்கு அவர் கூறிய காரணம், அவர் சென்ற முறை வாஜ்பாயை சந்தித்தபோது நதிகளை இணைக்காமல் நான் விட மாட்டேன் என்று உறுதி கூறியதாக கூறுகிறார். ( அப்பொழுதே அவர் நதிகளை இணைப்பதில் எவ்வளவு ஆர்வமாக இருக்கிறார் என்று பாருங்கள். நிச்சயமாக நம் கட்சியின் முக்கியமான திட்டங்களில் இதுவும் இருக்கும்). ஆறு தொகுதிகளில் பாமகவை எதிர்க்கிறேன் என்று கூறிய ரஜினி, நான் எதிர்க்கிறேன் என்பதற்காக, ரசிகர்கள் பாமகவை எதிர்த்து ஓட்டு போடவேண்டும் என்கின்ற அவசியம் இல்லை. அவர்களுக்கு எதிராக பிரச்சாரம் செய்யவேண்டும் என்று அவசியம் இல்லை. உங்களுக்கு யாருக்கு ஓட்டு போட வேண்டும் என்று விருப்பம் இருக்கிறதோ அவர்களுக்கு ஓட்டு போடலாம் என்று கூறினார்.

அதாவது, கலைஞருக்கு எதிராகவும் கருத்து தெரிவிக்கவில்லை. ஜெயலலிதாவை ஆதரித்தும் கருத்து தெரிவிக்கவில்லை. ரசிகர்களையும் கை விடவில்லை. ரசிகர்களை பாமகவை எதிர்த்து பிரச்சாரம் செய்ய வேண்டாம் என்று கூறியதற்கு முக்கிய காரணம், 1996 ஆம் ஆண்டு ரசிகர்கள் திமுகவின் துணையுடன் அதிமுவிற்கு எதிராக ஓட்டு கேட்கும்போது, பலரும் தாக்கப்பட்டனர். கடந்த வாரம் நடந்த ரசிகர் மன்ற சந்திப்பில் கூட, ரசிகர் ஒருவர் அப்பொழுது நடந்த கத்திக் குத்தை காம்பித்து ரஜினியை திகைக்க வைத்தார். திமுகவின் துணை இருக்கும்போதே ரசிகர்கள் தாக்கப்பட்டனர். இப்பொழுது திமுக, அதிமுக என்று எந்த கட்சியின் துணை இல்லாமல், பாமகவிற்கு எதிராக பிரச்சாரம் செய்தால், நிச்சயம் வன்முறை சம்பவங்கள் நிகழும் என்று நினைக்கிறார். அதனால் தான், நான் எதிர்க்கிறேன் என்பதற்காக, நீங்கள் யாரும் எதிர்க்க வேண்டிய அவசியமில்லை. அவர்கள் விருப்பப்படி ஓட்டு போடலாம் என்று கூறுகிறார்.

இதனால், தன் செல்வாக்கு கொஞ்சம் குறையலாம் என்பது தலைவருக்கு தெரியும். ஆனால் , ரஜினி தன்னுடைய செல்வாக்கு , பொது அமைதி, இதில் ஏதாவது ஒன்றை தேர்ந்து எடுக்க வேண்டும் என்று வந்தால், எப்பொழுதும் பொது அமைதியை தான் தேர்ந்து எடுப்பார். அதனால் தான், பலரும் அவரை விமர்சனம் செய்யும்போது, அவர் அமைதி காக்கிறார். மேலே, குறிப்பிட்ட ஒரு நிகழ்வே போதும், ரஜினி எப்படி பட்ட அரசியல் சாணக்கியர் என்பதை தெரிந்துக் கொள்வதற்கு!!! யார் மனதும் புண்படாமல், கடினமான சமயங்களில் எப்படி ஒரு முடிவு எடுக்கிறார் என்று பாருங்கள்.

மேலும் ஒரு முக்கியமான ஒரு விஷயத்தை அன்று தெரிவிக்கிறார். பாமக வெற்றி பெற்றால், அவர்கள் போன ஜென்மத்தில் செய்த புண்ணியத்தின் பலன் இன்னும் பாக்கி இருக்கிறது என்று அர்த்தம். இல்லையென்றால், புண்ணியத்தின் பலன் முடிந்து விட்டது என்று அர்த்தம் என்று கூறுகிறார்.
இதற்கு முன்பு வரை, ரஜினியை விமர்சித்து பேசி வந்த பாமக, ரஜினியின் இந்த அறிவிப்பு பற்றி பிரச்சாரங்களில் ஒரு எதிர்ப்பைக் கூட தெரிவிக்கவில்லை. திமுக, திமுக கூட்டணியில் உள்ள எந்த கட்சிகளும் ரஜினிக்கு எதிர்ப்பு தெரிவிக்கவில்லை. ( என்னதான் இமாலய கூட்டணி வெச்சாலும், ரஜினி அப்படினா ஒரு பயம் இருக்கத்தானே செய்யும்). திமுக தலைவர் கருணாநிதி கோவை செல்கிறார், அங்கு ஜெயா டிவி செய்தியாளர், ஒரு கேள்வி கேட்கிறார். நீங்கள் ரஜினிக்கு எதிராக கருத்து தெரிவிக்காமல் இருப்பதற்கு காரணம், நீங்கள் எம்ஜியார் கிட்ட வாங்கின அடியா என்று?? கலைஞர், கோபத்தின் உச்சிக்கு செல்கிறார். இனிமேல், கோவை பத்திரிகையாளர்களுக்கு பேட்டி கொடுக்க மாட்டேன் என்று கூறி, கோபமாக சென்று விடுகிறார்.

தேர்தல் நாள் வருகிறது. காலை எழுந்தவுடன் பேப்பரில் ஒரு அதிர்ச்சி. ரஜினியின் புதிய படத்தின் அறிவிப்பு வெளியாகி இருக்கிறது. படத்தின் பெயர் "ஜக்குபாய்". அந்த போஸ்டரில் எழுதப்பட்டு இருந்த வாசகம், நான் மேலே குறிப்பிட்டு உள்ள விஷயங்கள் எவ்வளவு உண்மை என்பதை உங்களுக்கு புரிய வைக்கும். அந்த போஸ்டரில் இருந்த வாசகம் " கடவுளே!! நண்பர்களிடம் இருந்து என்னை காப்பாற்று !!! எதிரிகளை நான் பார்த்துக் கொள்கிறேன் !!!! என்பது தான். இது நிச்சயமாக திமுக தலைவருக்குதான் என்பது குழந்தைகளுக்கு கூட தெரியும்.

கடவுள் புண்ணியத்தில் திமுக கூட்டணியில் உள்ள பாமாகவிற்கு என்னுடைய தொகுதியான அரக்கோணம் தொகுதி ஒதுக்கப்பட்டு இருந்தது. காலையில் முதல் ஆளாக சென்று பாமகவுக்கு எதிராக, அதிமுகவிற்கு ஓட்டு செலுத்திவிட்டு வந்தேன். ஆனால், தேர்தலில் திமுக கூட்டணி 40 தொகுதிகளிலும் வெல்கிறது. பாமக ஆறு தொகுதிகளிலும் ஜெயிக்கிறது. ரஜினி வெற்றி பெற்ற அனைவருக்கும் வாழ்த்துக்கள் என்று அறிக்கை விடுகிறார்.

அதற்கு பிறகு, சந்திரமுகி படம் மிக பெரிய வெற்றி பெறுகிறது. வீரப்பன் அந்த நேரத்தில் கொல்லப் படுகிறான். அப்பொழுது திரையுலகம் சார்பில் நடைபெறும் பாராட்டு விழாவில், ரஜினி கலந்து கொள்கிறார். ஏற்கனேவே வீரப்பனை அழிக்க வேண்டும் என்று எண்ணிய அவர், செல்வி. ஜெயலலிதாவை தைரியலட்சுமி என்று குறிப்பிடுகிறார். இதன்மூலம், ரஜினி மற்றும் ஜெயலலிதா அவர்கள் இடையே நடந்த பனிப்போர் முடிவுக்கு வருகிறது.

இந்த நிகழ்வு மட்டும் 2004 தேர்தலுக்கு முன்பு நடந்து இருந்தால், ரஜினி அதிமுக,வாஜ்பாய் கூட்டணியை ஆதரித்து பாமகவை ஒன்றும் இல்லாமல் செய்து இருப்பார். அல்லது, திமுக கூட்டணியில் பாமக இல்லாமல் இருந்து இருந்தால், அப்பொழுதும் அந்த கட்சி காணாமல் போக வாய்ப்பு இருந்து இருக்கும். இதனைத்தான் ரஜினி, நீங்கள் போன ஜென்மத்தில் செய்த புண்ணியத்தின் பலன் மிச்சம் இருந்தால் நீங்கள் ஜெயிப்பீர்கள் என்று கூறுகிறார். ஆனால், அந்த தேர்தலுக்கு பிறகு, பாமக கழுதை தேய்ந்து சிட்டெறும்பு ஆன கதையாக, அனைத்து தேர்தல்களிலும் தோல்வியை சந்தித்து வருகிறது. 2016 ஆம் ஆண்டு முதல் முறையாக, தேர்தலை தனியாக சந்தித்த அந்த கட்சி, ஒரு தொகுதியில் கூட ஜெயிக்காமல் படுதோல்வி அடைகிறது. அந்த கட்சியின் கோட்டையான பெண்ணாகரத்தில் மூன்றாவது இடத்திற்கு தள்ளப்படுகிறார் அன்புமணி. அவர்கள் போன ஜென்மத்தில் செய்த புண்ணியத்தின் பலன் முழுவதுமாக முடிந்து விட்டது.

ரஜினி தன் எதிரி கூறுவதில் நல்ல விஷயம் இருந்தாலும் எடுத்துக் கொள்வார். டாக்டர்.ராமதாஸ் மட்டும் சிகரெட், மதுவை படங்களில் பயன்படுத்தாதீர்கள் என்று கோரிக்கை மட்டும் வைத்து இருந்தால் ரஜினி என்றோ செய்து இருப்பார். இவ்வளவு பெரிய பிரச்சனை கண்டிப்பாக வந்து இருக்காது. இருதாலும், ரஜினி அந்த கருத்தை ஏற்றுக்கொண்டார். சந்திரமுகி படத்தில் சிகரெட் பிடிக்கும் காட்சிகள் அமையவில்லை. அதனை பாராட்டி ,அப்பொழுது சுற்றுப்புற சூழல் அமைச்சராக இருந்த அன்பமணி ஒரு பாராட்டுக் கடிதம் ரஜினிக்கு எழுதினார் ( எதிரிகளும் போற்றும் குணம்!! அது தானே ரஜினி ??). அதற்கு பதில் எழுதிய ரஜினி, " நட்புக்கரம் நீட்டுபவர்களுக்கு நான் நிச்சயம் நட்புக்கரம் நீட்டுவேன்" என்று எழுதினார். அதன் பிறகு, ரஜினியின் மகள் திருமணத்திற்கு அன்புமணி வந்தது, அன்புமணி குடும்ப விழாவிற்கு ரஜினி சென்றது என்று அனைத்தும் நான் அறிந்ததே.

கடந்த வருடம் மே மாதம், ரஜினி ரசிகர் மன்ற கூட்டம் நடத்தியபோது, அன்புமணி அவர்களின் பெயரைக் குறிப்பிட்டு, அவருடைய திட்டங்கள் எனக்கு பிடிக்கும் என்று கூறினார். (மற்ற அரசியல் கட்சி தலைவர்களை பற்றி குறிப்பிடும்போது திட்டங்கள் பற்றி குறிப்பிடவில்லை.) உண்மையில் அன்புமணி எடுத்து வைக்கும் திட்டங்கள் மிகவும் நல்லவை. எதார்த்தமானவை . ( மாடு மேய்க்கிற தொழிலை அரசு வேலையாக மாற்றுவேன் என்பன போன்ற முட்டாள் திட்டங்கள் எல்லாம் கிடையாது). இதனை தலைவரும் கவனித்து இருக்கிறார். அதனால்தான் அவருடைய திட்டங்களை பாராட்டுகிறார்.

இப்பொழுதும் அன்புமணி பாமகவின் ஜாதி பிம்பத்தை தூக்கி எறிந்துவிட்டு, பொறுப்புள்ள எதிர்க்கட்சியாக செயல் பட வேண்டிய வேலையை பார்க்கலாம். தலைவர் கட்சி ஆரம்பித்தபின் அவர்கள் ஆளும்கட்சியாக வர வாய்ப்பு இருக்குமா என்ன??

அன்பாலும், அறத்தாலும், அரசியல் நெறியினாலும் பாமகவை ரஜினி பாபா படத்தின்போதே வென்று விட்டார்.
இப்படிக்கு .
அ .அருள்செல்வன்.

ரஜினி,பாமக மோதல் - வென்றது யார்


நான் என்னுடைய பதிவுகளில், ரஜினியைத் தவிர யாரைப் பற்றி குறிப்பிடும் பொழுதும் ,திரு அல்லது அவர்கள் என்று குறிப்பிடுறேன். ஆனால் தலைவர் அவர்களை ரஜினி என்றே எழுதுகிறேன்.இது நம் தலைவருக்கு நான் செய்யும் மரியாதை குறைவு அல்ல. ரஜினி என்று எழுதும் போது வரும் மகிழ்ச்சி, வேறு எப்படி குறிப்பிட்டாலும் வராது. சுருக்கமா சொல்லனும்னா, அவர் பெயருக்குள் இருக்கும் காந்தம் தான் காரணம்.



பாபா படம் ரிலீஸ் ஆவதற்கு இரண்டு மாதம் முன்பு, பெங்களூருவில் கன்னட சூப்பர்ஸ்டார் திரு.ராஜ்குமார் அவர்களின் குடும்ப நிகழ்ச்சியில் ரஜினி கலந்து கொள்கிறார். அப்பொழுது பேசும் அவர், பாபா படம் மட்டும் வெள்ளி விழா கண்டால், இது தான் என்னுடைய கடைசி படம். இதுக்குமேல படம் நடிக்க வேண்டாம் என்று நினைக்குறேன்!! நான் இப்படி சொல்றதுனால, என் ரசிகர்கள் நான் நிறைய படம் நடிக்கணும்னு நினைச்சு, இந்த படத்தை தோல்வியடைய செய்யக்கூடாது என்று கூறுகிறார். (அதனால் தான் என்னவோ, பாபா படம் தோல்வி அடைகிறது.)

மேலும் அந்த நிகழ்ச்சியில் பேசிய ரஜினி, சந்தன கடத்தல் வீரப்பனை ஒரு அரக்கன் என்று கூறுகிறார். அந்த அரக்கனை சீக்கிரம் பிடிப்பது தமிழ்நாட்டிற்கு நல்லது என்று கூறுகிறார். அந்த நாட்களில், வீரப்பனுக்கு எதிராக யாரும் அப்படி ஒரு வார்த்தையைக் கூறியது கிடையாது. அதுவும், ராஜ்குமார் அவர்கள் கடத்தப்பட்டு சிறிது காலத்தில் இதனைக் குறிப்புடுகிறார். இதனால் வீரப்பன் தன் மீதும் கோபம் கொள்வான் என்கின்ற பயம் எல்லாம் ரஜினிக்கு கிடையாது. நியாயமாக பார்த்தால், ரஜினி கூறிய அந்த வார்த்தைக்கு, தமிழ்நாட்டு மக்கள் அவரைத் தலையில் தூக்கிக் கொண்டாடி இருக்க வேண்டும். ஆனால ,நடந்தது என்ன?

இன்று எப்படி வீரப்பன் இருந்து இருந்தால், கர்நாடகாவை மிரட்டி காவிரி நீர் வாங்கிக் கொடுத்து இருப்பார் என்று பிதற்றிக் கொண்டு இருக்கிறார்களோ, அன்றும் அந்த கொலைகாரனை கொண்டாட, நம் நாட்டில் நிறைய பேர் இருந்தார்கள். முக்கியமாக வீரப்பனின் ஜாதியை வைத்து அரசியல் செய்ய பல பேர் காத்துக் கொண்டு இருந்தார்கள். அவர்களில் ஒருவராக வருகிறார், பாட்டாளி மக்கள் கட்சி நிறுவனர் திரு.ராமதாஸ் அவர்கள். அப்பொழுது நடந்த பொதுக்கூட்டத்தில், ரஜினியை அவன்,இவன் என்று பேசுகிறார். இவன் யாரு, வீரப்பனை அரக்கன்னு சொல்ல ?? இவன் இளைஞர்களுக்கு கற்றுக் கொடுத்தது என்ன? சிகரெட் ,மது பிடிக்க மட்டும் தானே ? என்று கூறுகிறார். (பாமகவை பற்றி பேசும்போது அவர்கள் மரம் வெட்டதான் கற்று கொடுத்தார்கள் என்று கூறுவதை போல, ரஜினி படத்தில் கூறிய நல்ல விஷயங்களை மிக வசதியாக மறந்து விட்டார்.)

அவ்வளவுதான், ரஜினி ரசிகர்கள் கோபத்தின் உச்சத்திற்கு போகிறார்கள். தமிழ்நாட்டில், ரஜினியை விமர்சிக்கும் அரசியலுக்கு பிள்ளையார் சுழி போடுகிறார் டாக்டர்.ராமதாஸ் அவர்கள். அதற்கு முன்பு, யாரும் அதுவரை ரஜினியை அப்படி ஒருமையில் பேசியது இல்லை. 1996 ஆம் ஆண்டு தேர்தலில் ஜெயலலிதா அவர்கள் கூட, மனோராமா அவர்களை வைத்துதான் ரஜினியை கேவலமாக பேச வைத்தார். ( இதனால் மனோராமா அவர்கள், படம் கிடைக்காமல் ஒரு வருடம் கஷ்டப்படுகிறார். ரஜினி அவரை மீண்டும் தன்னுடைய அருணாச்சலம் படத்தில் வாய்ப்பு கொடுத்து நடிக்க வைக்கிறார் ). எனவே, தன் தலைவரை ஒருவர் ஒருமையில் பேசியதை ரசிகர்களால் பொறுத்துக் கொள்ள முடியவில்லை. ரஜினி ரசிகர்கள் உருவ பொம்மை எரிப்பு உள்ளிட்ட போராட்டங்களை செய்கிறார்கள். இது என்னுடைய தனிப்பட்ட பிரச்னை !! ரசிகர்கள் யாரும் தலையிட வேண்டாம் என்று ரஜினி கூறுகிறார்.
பாபா படம் வெளியாகிறது. தமிழ்நாட்டில் பல இடங்களில் படத்திற்கு எதிராக பாமகவினர் வன்முறையில் ஈடுபடுகின்றனர். விருதாச்சலத்தில் படத்தின் பொட்டியைத் தூக்கிக் கொண்டு ஓடி விட்டனர். அடுத்த மூன்று மணி நேரத்தில் அந்த திரையரங்கிற்கு ஒரு பொட்டியை அனுப்பி வைத்து, அங்கு நடக்க இருந்த, மிக பெரிய வன்முறையைத் தடுத்தார். அப்பொழுதும் ரஜினிகாந்த் ஒரு அறிக்கை வெளியிடுகிறார். " அய்யா,மருத்துவர் ராமதாஸ் அவர்களால் ஏற்படும் பிரச்னையை நான் சட்டபூர்வமாக சந்திக்கிறேன். ரசிகர்கள் அமைதி காக்க வேண்டும். கடவுள் சில மனிதர்களைப் படைப்பதே, நாம் அவர்களை பார்த்து எப்படி வாழக்கூடாது என்று தெரிந்து கொள்ளதான்" என்று கூறுகிறார். ரஜினியிடம் இருந்து மிக பெரிய எதிர்ப்பு வரும், இதை வைத்து அரசியல் செய்யலாம் என்று எதிர்பார்த்தவர்கள், ஏமாந்து போனார்கள். அடுத்த மூன்று நாட்களுக்கு, ரஜினியின் உருவ பொம்மை எரிப்பு உள்ளிட்ட செயல்களை செய்து விட்டு, அமைதியாகி விட்டனர்.

2002 ஆம் ஆண்டு இறுதியில், தமிழகத்தில் காவிரி விவகாரம், விஸ்வரூபம் எடுக்கிறது. வழக்கம் போல், தமிழக அரசை விட்டுவிட்டு,ரஜினி ஏன் காவிரி நீரைக் கொண்டு வரவில்லை என்று பலர் உளறிக்கொண்டு இருந்தனர். அந்த நேரத்தில், நெய்வேலி சென்று போராட்டம் செய்யலாம் என்று தமிழ் திரையுலகம் முடிவு செய்கிறது. கர்நாடகாவில் உள்ள தமிழர்களின் பாதுகாப்புக் கருதி, ரஜினி அதற்கு ஒத்துழைக்கவில்லை. பழிக்கு பழி, ரத்தத்திற்கு ரத்தம் என்பது அவருக்கு பிடிக்காத செயல். அவ்வளவுதான், ரஜினியை அனைவரும் வசைப்பாட ஆரம்பித்தனர். கேவலப்படுத்தினர். அதிமுக, பாமக என்று பலரும் ரஜினியை தமிழர்களுக்கு விரோதிபோல சித்தரித்தனர். தமிழ்நாட்டின் பல இடங்களில் ரஜினியின் உருவ பொம்மை எரிக்கப்படுகிறது. 2 நாட்கள் அனைத்தையும் உன்னிப்பாக பார்த்துக் கொண்டு இருக்கிறார் ரஜினி. மறுநாள் தான் புதிதாகக் கட்டி உள்ள கேளம்பாக்கம் பண்ணை இல்லத்திற்கு பத்திரிக்கையாளர்களை வர சொல்கிறார். தமிழ்நாடு பரபரப்பு அடைகிறது.

அங்கு வந்த பத்திரிகையாளர்களிடம் , " நான் முதல்ல இந்தியன், அப்புறம் தமிழன் ". இதனை நான் பலமுறை சொல்லி இருக்கின்றேன். என்னை பத்தி எதிரா பேசுறவங்களை, நான் தேர்தல் நேரத்துல பார்த்துக்கிறேன். நெய்வேலியில் போராட்டம் நடத்துகின்ற அதே நாள்ல , நான் சென்னையில் உண்ணாவிரதம் இருப்பேன் என்று கூறுகிறார். பல நடிகர்கள், நெய்வேலி போக யோசிக்கின்றனர். கலைஞர் கருணாநிதி அவர்கள், நெய்வேலி போராட்டத்தில் திமுக நடிகர்கள் கலந்து கொள்ள மாட்டார்கள். அவர்கள் ரஜினி நடத்தும் போராட்டத்தில் தான் கலந்து கொள்வார்கள் என்று கூறினார். மறுநாள் தினமலரில் வந்த தலைப்பு செய்தி என்ன தெரியுமா?? " ரஜினியால் FUSE போகிறது நெய்வேலியின் CURRENT மறியல் "", எங்கே, ரஜினி அதே நாளில் உண்ணாவிரதம் இருந்தால், நெய்வேலியில் ஒருவர் கூட வர மாட்டார்களோ என்று பயந்த அப்போதைய நடிகர் சங்கத் தலைவர் விஜயகாந்த், ரஜினியின் போராட்டத்தை ஒரு நாள் தள்ளி வைக்க சொல்கிறார். ரஜினியும் அதற்கு சம்மதம் தருகிறார். சென்னையில் நடந்த உண்ணாவிரதப் போராட்டம், எவ்வளவு பெரிய வெற்றி என்பதற்கு சான்று, உலகில் முதன் முறையாக நேரடியாக ஒளிப்பரப்பட்ட முழுமையான உண்னாவிரதம் அதுதான் !!!

ரஜினி அவர்கள் தேர்தல் நேரத்தில் எதிரிகளைப் பார்த்துக் கொள்கிறேன் என்று கூறியதால், ரசிகர்கள் 2004 ஆம் ஆண்டு நாடாளமன்றத் தேர்தலை எதிர்பார்த்துக் காத்துக் கொண்டு இருக்கின்றனர். இந்த நேரத்தில், உங்களுக்கு சில விஷயங்களைக் கூற விரும்புகின்றேன். 1990 களின் தொடக்கத்தில் வெளிவந்த ஒரு பேட்டியில், அரசியல் என்பது ஒரு சாக்கடை , இப்பொழுது இருக்கும் அரசியல்வாதிகள் அனைவருமே திருடர்கள் என்று கூறுகிறார். அப்பொழுது தமிழ்நாட்டு அரசியலில் அவருக்கு மிக பெரிய நண்பர்கள் எல்லாம் கிடையாது. அதேபோல் அவர் இருந்து இருந்தால், அவர் நிச்சயமாக எப்பொழுதோ அரசியலுக்கு வந்து இருப்பார். ஆனால் ,விதி வலியது. 1996 ஆம் ஆண்டு தேர்தலில், கலைஞர் அவர்களின் நட்பு கிடைக்கிறது. கலைஞர் அவர்கள் மீது நமக்கு தனிப்பட்ட விமர்சனம் இருந்தாலும், இது வரை தமிழகத்தில் ரஜினியை விமர்சித்து பேசாத தலைவர் அவர். சமயம் கிடைக்கும்பொழுது எல்லாம், ரஜினிக்கு மிக பெரிய மரியாதை கொடுத்தவர். இதனால்தான் , கலைஞரைப் பற்றி ரஜினி குறிப்பிடும்போது, தென்னிந்திய அரசியல் மூத்த தலைவரும், என்னுடைய நண்பருமான கருணாநிதி என்று குறிப்பிடுவார். அவர் நன்றாக இருக்கும் போது, தான் அரசியலுக்கு வருவதை மிக பெரிய தர்ம சங்கடமாகக் கூட ரஜினி நினைத்து இருக்கலாம்.
இப்படி இருக்கும்பொழுது, ரஜினி அப்பொழுது தேர்தலில் எதிரிகளை பார்த்துக் கொள்கிறேன் என்று கூறும்பொழுது, பாமக அதிமுவுடன் கூட்டணியில் உள்ளது. அப்பொழுது வாஜ்பாய் அவர்கள் மத்தியில் மிக சிறந்த ஆட்சிக் கொடுத்துக் கொண்டு இருந்தார். திமுக அவருக்கு ஆதரவு கொடுத்துக் கொண்டு இருக்கிறது. திமுக மற்றும் பாஜக கூட்டணியை ஆதரித்து பிரச்சாரம் செய்யலாம் என்று நினைத்துக் கூறி இருப்பார். ஆனால் , நடந்த என்ன ?? தேர்தலுக்கு மூன்று மாதங்கள் முன்பு உப்பு சப்பு இல்லாத காரணத்தைக் கூறி திமுக வாஜ்பாய் அரசில் இருந்து வெளி வருகிறது. பாமகவை தன் கூட்டணியில் சேர்த்துக் கொள்கிறது. இதனை எல்லாம் ரஜினி சற்றும் எதிர்பார்க்கவில்லை. திடீர் என்று ஜெயலலிதாவை ஆதரித்தால், தன்னுடைய நம்பகத்தன்மை குறைந்து விடும் என்று நினைக்கிறார். இதனால் தேர்தல் நாள் அறவிக்கப்பட்ட பின்பும் அமைதி காக்கிறார்.

ஆனால் ரசிகர்கள் விடுவார்களா?? கடலூரில் பிரச்சாரம் முடிந்து வந்து கொண்டிருந்த டாக்டர்.ராமதாசை நோக்கி கறுப்புக் கொடி காட்டுகிறார்கள். பாமகவினர் அதே இடத்தில வண்டியை நிறுத்தி விட்டு, வண்டியில் இருந்த உருட்டுக் கட்டைகளை எடுத்து ரசிகர்களைத் தாக்குகிறார்கள். ரஜினி இடிந்து போகிறார். ரசிகர்ளை அழைத்து நடந்ததை கேட்டு அறிகிறார். என்னுடைய முடிவை ராகவேந்திரா மண்டபத்தில் ஒரு ஞாயிறு அன்று அறிவிப்பேன் என்று கூறுகிறார். கலைஞர் அவர்கள் மீது கொண்டு இருந்த நட்பின் காரணமாக அவருக்கு எதிராகவும் பேச முடியாமல் , ஜெயலலிதாவிற்கு ஆதரவாகவும் பேச முடியாமல், மிகவும் தர்ம சங்கடமான நிலையில் இருந்த ரஜினி, பேச ஆரம்பித்தார். அவர் என்ன பேசினார்?? அதற்கு காரணம் என்ன?? இறுதியில் வென்றது யார்?? நாளை இறுதி பாகத்தில் காண்போம்.

Saturday, February 24, 2018

ரஜினிக்கு புகழ் முக்கியமா???


நீட் போராட்டத்தில் மாணவி அனிதா உயிர் இழக்கிறார். அவர் உயிர் இழந்தவுடன் அவரை போய் பல அரசியல்வாதிகள் மற்றும் நடிகர்கள் பார்க்கின்றனர். ஒரு அரசியல் கட்சி இன்னும் ஒரு படி மேலே போய், அந்த மாணவியின் படத்தை வைத்து, உறுப்பினர் சேர்க்கை செய்கின்றனர். ரஜினியும் நினைத்து இருந்தால், அந்த பெண்ணின் பிணத்தை வைத்து, இவன் நல்லவன் அந்த பெண்ணை வந்து பார்த்தான் என்று இன்னும் தன்னுடைய புகழை கூட்டி இருக்கலாம். ஆனால் அவர் மீது அத்தனை விமர்சனங்கள் வந்த போதும் அதனைப் பற்றி பேசவில்லை.



அதேபோல் ஜல்லிக்கட்டு போராட்டத்தில், மாணவர்கள் ஈடுபடும் போது, இவரும் அங்கு சென்று சில நடிகர்கள் போல தன்னுடைய புகழை கூட்டி இருக்கலாம். ஆனால் செல்லவில்லை. தன் மீது விமர்சனம் வரும் என்று தெரிந்தும் கூட, போராட்டத்தை நிறுத்தி அனைவரும் அமைதியாக வீடு திரும்ப வேண்டும் என்று மட்டும் அறிக்கை விட்டார்.

இப்படி பல நேரங்களில், மற்றவர்கள் பிணத்தை வைத்தோ, சிலர் நடத்தும் போராட்டங்களில் தலையை காட்டியோ, ரஜினி தன்னுடைய புகழை மேலும் கூட்டிக் கொண்டு இருக்கலாம். மக்களுக்கு தேவை என்ன?? இவர் வந்தாரா? அவர் வந்தாரா? என்பது மட்டும் தானே?? போராட்டம் வென்றதா?? என்பது எல்லாம் அவர்களுக்கு முக்கியம் அல்ல. ஆனால் ரஜினி ஏன் அவ்வாறு செய்யவில்லை.

ரஜினியை நன்கு அறிந்தவர்களுக்கு தெரிந்த பதில் தான். அவர் தன்னுடைய புகழ் அல்லது பொது அமைதி என்று வந்தால், அவர் தேர்ந்து எடுப்பது என்றுமே பொது அமைதி தான். நாம் இப்படி செய்தால் நம்முடைய புகழ் குறைந்தாலும் பரவாயில்லை, ஆனால் எரியுற கொள்ளியில் எண்ணெய் ஊற்றக்கூடாது, அதனால் பொது அமைதிக்கு குந்தகம் வரக்கூடாது என்ற எண்ணம்தான்.

இப்பொழுது ரஜினி இது வரை குரல் கொடுத்த நேரத்தையும், குரல் கொடுக்காமல் அமைதி காத்த நேரத்தையும் நினைத்து பாருங்கள். நான் மேலே கூறியது, எவ்வளவு பெரிய உண்மை என்று தெரியும்.
கண்டிப்பாக ரஜினி அரசியலுக்கு வந்தால், பந்த், மறியல் போன்ற போரட்டங்களில் தன்னுடைய கட்சியினரை செய்ய சொல்லி வற்புறுத்த மாட்டார். அவருடைய அறவழி போராட்டம் உண்ணாவிரதமாக மட்டும் தான் இருக்கும் !!

இப்படிக்கு,
அ .அருள்செல்வன்.

ரஜினியும், விடுதலைப் புலிகளும்!!!


2008 ஆம் ஆண்டு இறுதியில் இலங்கையில் இறுதிக்கட்ட போர் உச்சக்கட்டத்தில் இருந்தது!!! அந்த நேரத்தில் நம் நடிகர் சங்கம் மற்றும் இயக்குனர் சங்கம் ஒரு போராட்டம் நடத்தலாம் என்று முடிவு செய்கிறார்கள். ஏற்கனேவே குசேலன் பிரச்னையில் ரஜினியின் மீது தமிழக மக்களுக்கு கொஞ்சம் வருத்தம் இருப்பதாக நினைத்துக்கொண்டு இருந்த பாரதிராஜா போன்றவர்கள், இந்த போராட்டத்தின் மூலம் ரஜினியின் புகழை மேலும் சரிய வைக்கலாம் என்று யோசிக்கிறார்கள். இவர்களுக்கு இலங்கை தமிழர்களுக்கு போராட்டம் எல்லாம் இரண்டாவது நோக்கம் தான். ரஜினியின் புகழை சரிய வைப்பதே இவர்களுது முதல் நோக்கம். இதனால் தான் தமிழர் சார்பாக இவர்கள் எந்த போராட்டம் நடத்தினாலும், ரஜினியை மேடையில் வைத்து கேவலப்படுத்த காரணம்.



இயக்குனர் சங்கம் ராமேஸ்வரத்தில் போய் போராட்டம் பண்ணலாம் என்று முடிவு எடுக்கிறார்கள். ஏற்கனேவே காவிரி பிரச்சனையில் நெய்வேலியில் போய் பல்ப் வாங்கியதை நினைத்துப் பார்த்த நடிகர் சங்கம், எப்படியும் ரஜினி ராமேஸ்வரத்திற்கு போராட்டத்திற்கு வர மாட்டார், இங்கயே தனியாக உண்ணாவிரதம் இருந்து பெயர் சம்பாதித்து விடுவாரோ!! என்று அஞ்சுகிறார்கள். உடனே இயக்குனர் சங்கம் நடத்தும் போராட்டத்தில் நாங்கள் பங்கேற்க மாட்டோம். இங்கேயே சென்னையில் தனியாக உண்ணாவிரத போராட்டம் நடத்துவோம் என்று அப்போதைய நடிகர் சங்கத்தலைவர் சரத்குமார் தெரிவிக்கிறார்.

இதனைத் தொடர்ந்து இயக்குனர்கள் சார்பில் ராமேஸ்வரத்தில் கண்டனப் பொதுக்கூட்டம் நடக்கிறது. அப்பொழுது நடந்த போராட்டத்தில் உணர்ச்சி பொங்க அனைவரும் பேசுகிறார்கள்.தமிழ் பெருந்தகை(!!!) இயக்குனர் சேரன், அப்பொழுது ரஜினியைப் பார்த்து , ராமேஸ்வரத்தில் ஏன் போராட்டம் நடத்துகிறீர்கள் என்று கேட்கிறார்கள் ?? இழவு வீட்டில்தானே அழ முடியும் !! சென்னையிலா அழ முடியும் என்றுகேட்கிறார். இழவு வீடு இராமேஸ்வரம் அல்ல. இலங்கை என்று அவருக்கு தெரியவில்லை. அல்லது அங்கு செல்ல தைரியம் இல்லை. அந்த போராட்டத்தில் தான் ஒரு விரும்பத் தகாத சம்பவமும் நடக்கிறது. சீமான் மற்றும் அமீர் தமிழக அரசு மற்றும் இந்திய அரசை எதிர்த்து பேசுகிறாரகள். அவர்கள் மீது வழக்கு பதிவு செய்து, சீமானை கைது செய்ய முடியாமல் தமிழ்நாடு முழுக்க காவல்துறை தேடுகிறது. அப்பொழுது கிடைத்த விளம்பரத்தை பயன் படுத்தி சீமான் ஒரு கட்சியைத் தொடங்கி விட்டார்.

மறு நாள், சென்னையில் உண்ணாவிரதம் 9 மணிக்கு தொடங்கி விட்டது. பத்து மணி ஆகியும் ரஜினி வரவில்லை. அனைவரும் அவர் வருவாரா?? வர மாட்டாரா? என்று எதிர்பார்த்துக் காத்து இருக்கின்றனர். அறவழியில் உண்ணாவிரத போராட்டம் நடக்கும்போது ரஜினி எப்படி வராமல் இருப்பார்?? சரியாக பத்து மணிக்கு உள்ளே நுழைகிறார். அன்று அவர் அங்கு பேசிய பேச்சு, அனைவரையும் அதிர வைத்தது. அவர் பேசியதில் முக்கியமானது இது தான் .

"30 ஆண்டுகளாக ஒரு இனத்தின் போராட்டத்தை, சகல படை பலம் வசதிகளும் கொண்ட உன்னால ஒழிக்க முடியலேன்னா... என்ன வீரர்கள் நீங்கள்? ஆம்பளைங்களா நீங்க...? ( 2009 - ஆம் ஆண்டு இலங்கை அரசை கண்டித்து பேசியது. இதற்கு முன்பு சத்தியமாக எந்த ஒருவரும் இப்படி ஒரு நாட்டைப் பார்த்து ஆம்பளைங்களா நீங்க...?’"

பேசி முடித்துவிட்டு, இலங்கை தமிழர்களுக்கு எவ்வளவு கொடுத்தாலும் தகும். என்னுடைய சார்பாக 10 லட்சம் தருகிறேன் என்று கூறி சரத்குமாரிடம் அதற்கான காசோலையைக் கொடுத்தார். அப்பொழுது ரஜினிக்கு சமமாக 10 லட்சம் தமிழ்நாட்டில் கொடுத்தது, அப்போதைய முதல்வராக இருந்த திரு.கருணாநிதி மட்டும் தான். மூன்று தலைமுறைக்கு சொத்து சேர்த்து விட்டதாக கூறிய சத்யராஜ், 2 லட்சத்திற்க்கான காசோலையைக் கொடுத்தார். கமல் ஐந்து லட்சத்திற்க்கான காசோலைக் கொடுத்தார். ஆனால் அந்த காசோலை திரும்பி வந்து விட்டதாக நடிகர் சங்கத் தேர்தலின் போது சரத்குமார் தெரிவித்தார். இதற்கு, இதுநாள் வரை கமல் மறுப்புத் தெரிவிக்கவில்லை.

மறுநாள் விடுதலைபுலிகள் சார்பில் ஒரு அறிக்கை வெளியிடப்படுகிறது. பிரபாகரனுடன் ஒரு மணி நேரம் பேசியதாக இப்பொழுது சொல்லிக்கொள்கிறாரே சீமான், அவரைப்பற்றி ஒரு வார்த்தை அதில் இல்லை. ராமேஸ்வரத்தில் பேசிய இயக்குனர்கள் பற்றி ஒரு வார்த்தை இல்லை. புரட்சி தமிழன், மஞ்சை தமிழன் மற்றும் யார் பேசிய பேச்சை பற்றியும் அந்த அறிக்கையில் இல்லை. ரஜினி பேசிய பேச்சை மட்டும் பாராட்டிய அவர்கள், எம்முடைய மண்ணின் கள யதார்த்தத்தை ரஜினிகாந்த் கூறி இருக்கிறார் என்று புகழாரம் சூட்டினர் (இணைப்பு கீழே உள்ளது). போர் உச்சத்தில் இருந்த போதும், விடுதலை புலிகள் தமிழராக மதித்தது சுயநலம் இல்லாத ரஜினியை மட்டும் தான் என்பதை இப்பொழுது இலங்கை தமிழர்களுக்காக போராடும் போலி அரசியல்வாதிகள் மற்றும் நடிகர்களுக்குத் தெரிவித்துக் கொள்கிறேன்.

இப்படிக்கு,
அ.அருள்செல்வன்.

Friday, February 23, 2018

ரஜினியின் முதல் அரசியல் மாநாடு - எப்படி நடக்க வேண்டும் ??



நேற்று நடந்த கமலின் முதல் அரசியல் மாநாட்டில் இருந்து, நம் ரசிகர்கள் கற்றுக்கொள்ள வேண்டியது என்ன? மக்களின் மனதை கவர என் எண்ணத்தில் உதித்த சில யோசனைகள் !!!
 
 


1) ரஜினி இன்னும் ஆறு மாதங்கள் எடுத்துக் கொண்டாலும் சரி, தெளிவான திட்டங்களோடு மாநாடு நடத்த வேண்டும். ரசிகர்கள் மற்றும் மீடியாக்களின் அழுத்தத்திற்கு செவி சாய்த்து, அவசர அவசரமாக மாநாடு நடத்த வேண்டாம். நம் மக்களுக்கு என்ன சொல்ல வருகிறோம் என்பதில் தெளிவு இல்லாமல் போய் விடும். கட்சியின் பெயரை அறிவிக்க தாமதப்படுத்துகிறார் என்கின்ற கெட்ட பெயரை விட, தலைவர் ஒழுங்கான திட்டங்கள் அறிவிக்க இல்லை என்கின்ற கெட்ட பெயர், மிகவும் மோசமானது. அது நம் நம்பகத்தன்மையை கடுமையாக பாதிக்கும். இதற்கு நேற்று நடந்த கமல் அவர்களின் மாநாடு ஒரு சான்று.

2) ரஜினியை வாழ்த்தி ஒட்டப்படும் போஸ்டர்களில், ரஜினியின் தற்போதைய புகைப்படம் மட்டுமே பயன்படுத்த வேண்டும் ( அது ஒரே புகைப்படமாக இருந்தால் மிகவும் நன்று. இதனை தலைவரே கொடுத்தால் இன்னும் நன்று ). நேற்று நடந்த கமல் மாநாட்டில், கமலின் படங்களில் இருந்து நிறைய புகைப்படங்கள் பயன்படுத்தப்பட்டு இருந்தன. அது ஒரு விதமான வெறுப்பையே மக்களுக்கு உண்டாக்கும். சினிமாவிற்கு ஒட்டப்படும் போஸ்டர்கள் வேறு. அரசியலுக்கு ஒட்டப்படும் போஸ்டர்கள் வேறு, என்பதை ரசிகர்கள் புரிந்து கொள்ள வேண்டும். ( கண்டிப்பாக, ரஜினிக்கு இணையாக காந்தியையோ, காமராஜரையோ, அப்துல் கலாமையோ சித்தரிக்க வேண்டாம். அது சமூக வலைத்தளங்ககில் கண்டிப்பாக கிண்டல் செய்யப்படும். இதனை தலைவரே விரும்ப மாட்டார்.

3) போஸ்டர்களில் ரஜினியின் பெயரை குறிப்பிட்டாலே போதும். நாளைய தமிழகம், நிரந்தர முதல்வர் இப்படி எல்லாம் குறிப்பிட வேண்டாம். இது மக்களுக்கு எரிச்சலை உண்டாக்கலாம். ( நேற்று நடந்த மாநாட்டில், 90% போஸ்டர்களில் கமலின் பெயர் இடம் பெறவில்லை. அவருடைய அடை மொழிகள் தான் இடம் பெற்று இருந்தன)

4) கட்சியின் பெயர் மற்றும் கொடி, இவை இரண்டுமே ஒரு அடையாளத்திற்காகத்தான். அதில் பல ஆராய்ச்சிகள் செய்து, மக்களுக்கு புரியாத வண்ணம் வைக்க வேண்டாம். மிகவும் எளிமையாக இருக்க வேண்டும். ( இதுதான் நேற்றைய மாநாட்டில் இருந்து நாம் கற்றுக்கொண்ட முக்கியமான பாடம்)

5) கட்சியின் கொடி அல்லது மேடையில் தப்புத்தவறி கூட ஒரு இடத்தில கூட காவி நிறம் வேண்டாம். ஊடகங்கள் மற்றும் சில தற்குறிகளுக்கு காவி நிறம் என்றால் பிஜேபி மட்டும் தான் ஞாபகம் வரும். நம் மூவண்ண கொடியில் இருக்கும் காவியை கூட இன்னும் சில நாட்களில் பிஜேபியின் நிறம் என்று கூறுவார்கள். ஆகவே அவர்களுக்குத் தீனி போட வேண்டாம்.

6) மாநாடு திடலில் மட்டும் ஒரே ஒரு கட் அவுட் இருந்தால் போதும். அல்லது அதையும் இல்லாமல் செய்தால், மக்கள் மனதில் நாம் மாற்றத்திற்கான கட்சி என்பது நிச்சயம் பதியும்.

7) மாநாட்டில் ரஜினி மட்டும் பேசினால் போதும். வேறு அரசியல் தலைவர்கள் யாரும் பேச வேண்டாம். ரஜினியின் ரசிகர்கள் பல கட்சிகளில் உள்ளதால் , அது அவர்களுக்கு தர்மசங்கடத்தை ஏற்படுத்தலாம். (நேற்று நடந்த மாநாட்டில் இது கண்கூடாகத் தெரிந்தது.

8) கண்டிப்பாக ரஜினியின் கட்சியில் சினிமா நட்சத்திரங்கள் இணைவார்கள். ஆனால் ,அவர்களுக்கு முதலிலேயே பதவி கொடுத்து, மேடையில் அமரவைக்க வேண்டாம். கூத்தாடிகள் சேர்ந்து அராஜகம் செய்கிறார்கள் என்று மக்கள் பேசக்கூடும். ( மாற்றத்திற்கான கட்சி என்று கூறி, நேற்று நடந்த மாநாட்டில் சினேகன் ஒரு மணி நேரம் பேசியது, அங்கு வந்து இருந்த மக்களை முகம் சுழிக்க வைத்தது.)

9) முதல் மாநாடு சென்னையில் நடந்தால் போதும். வேறு மாவட்டத்தில் நடத்தும்போது, சில தவறுகள் நிகழலாம். சென்னை தலைவருக்கு நன்றாக தெரிந்த இடம் என்பதால், முதல் மாநாடு சென்னையில் தீவு திடல் போன்ற இடத்தில நடத்தலாம். அனைத்து ஊர்களில் இருந்தும் ரசிகர்கள் வருவதற்கு வசதியாக இருக்கும். ( நேற்று நிறைய நிருபர்கள், திடீரென்று ஏன் மதுரையில் நடத்துகிறீர்கள் என்பன போன்ற கேள்வியை கமலிடம் கேட்டார்கள். இது போன்ற தேவை இல்லாத கேள்விகளை தவிர்க்கலாம் ).

10) மாநாடு நடக்கும் தேதியில், வேறு எந்த நிகழ்த்தியிலும் தலைவர் கலந்து கொள்ளாமல் இருக்க வேண்டும். ஏனென்றால், மாநாடு இருக்கும் பதற்றத்தில் அல்லது அவசரத்தில், சில இடங்களில் அவர் ஒழுங்காக பேச முடியாமல் போகலாம். தலைவர் நிதானமாக மாநாட்டிற்கு வந்து தெளிவான உரை தந்தால் போதும். ( நேற்று கமல் பல இடங்களில் 2 நிமிடங்கள் பேசி விட்டு சென்றது, மிகுந்த விமர்சனத்தை உண்டாக்கியது).

11) கொள்கை பற்றி கமல் பேசியதில் எனக்கு நூறு சதவீதம் உடன்பாடு உண்டு. கொள்கை முக்கியம் அல்ல, மக்களுக்கு செய்ய போகின்ற திட்டம்தான் முக்கியம் ( ஏற்கனேவே ரஜினி சொன்னது போல். நல்லதே பேசுவோம், நல்லதே செய்வோம், நல்லதே நினைப்போம், நல்லதே நடுக்கும். இதுவே கொள்கையாக இருந்தால் போதுமானது).

12) தலைவர் எதையும் நாம் புதிதாக செய்வோம் என்று கூற வேண்டாம். அதேபோல் நடைமுறைக்கு சாத்தியம் இல்லாத வாக்குறுதிகள் வேண்டவே வேண்டாம். இதனை வைத்து பின்னாளில் கேலி பேச்சுகள் எழும். எதையும் புதிதாக தொடங்க தமிழகம் ஒன்றும் அத்தனை பின் தங்கிய மாநிலம் அல்ல. ஏற்கனேவே இலவச கல்வி இருக்கிறது, இலவச மருத்துவம் இருக்கிறது ( நான் பார்த்த வரை, தமிழ்நாட்டில் ஆயிர கணக்கில் ஆரம்ப சுகாதார மையங்கள் இருக்கின்றன ). தலைவர் இவற்றை நெறிமுறை படுத்துவேன் என்று கூறினாலே போதும். உதாரணத்திற்கு, தனியார் மருத்துவமனைகளில் கொடுக்கப்படும் சிகிச்சையை விட, அரசு மருத்துவமனைகளில் நன்றாக சிகிச்சை தர ஏற்பாடு செய்யப்படும் என்பன போன்ற அறிவிப்புகள் இருந்தால் போதும். நாம் சிஸ்டத்தை சரி செய்யத்தான் வருகிறோமே தவிர, புதிய சிஸ்டத்தை உருவாக்க வரவில்லை. அது உடனடியாக முடியாத காரியம் கூட!!

13) அதேபோல், ஊழலை முழுவதுமாக ஒழிப்பேன் என்று கூறுவதை விட, எப்படி ஒழிப்பேன் என்று ஏதாவது திட்டத்தோடு கூறினால், மக்களுக்கு இன்னும் நம்பகத்தன்மை வரும். உதாரணத்திற்கு, 50 லட்சம் ரூபாய்க்கு மேல் செயல்படுத்தப்படும் திட்டங்கள் அனைத்தையும் ஒரு குழு அமைத்து, அவர்கள் மூலம் ஒப்புதல் வழங்க வேண்டும். எந்த அமைச்சர்களும், MLAக்களும் திட்டத்தை உருவாக்க தான் முடியுமே தவிர, அதற்கு நிதியை ஒதுக்க, முதல்வர் தலைமையில் நேரடியாக இயங்கும் ஒரு குழு அமைக்கப்பட வேண்டும். இதன்மூலம் அமைச்சர்கள் மற்றும் MLAக்கள் செய்யும் ஊழல் மிக பெரிய அளவில் தடுக்கப்படலாம்.

இவை எல்லாம், நம் மனதில் தோன்றிய யோசனைகள். ரசிகர்கள் மனதில் தோன்றும் யோசனைகளை கமன்ட் செய்யலாம். கண்டிப்பாக, தலைவர் ,இதை விட சிறப்பான ஒரு கட்டமைப்போடுதான் வருவார் என்று கண்டிப்பாக நம்பலாம்.

இப்படிக்கு,
அ .அருள்செல்வன்.

Wednesday, February 21, 2018

லதா ரஜினிகாந்த் மீது 8.5 கோடி கடன் பாக்கி கேட்டு உச்சநீதிமன்றத்தில் வழக்கு தொடரப்பட்டுள்ளதே ? இது பற்றி ரசிகனாக உங்கள் கருத்து என்ன?

2002 ஆம் ஆண்டு பாபா படம் தோல்வி அடைந்த பொழுது, விநியோகஸ்தர்கள் தன்னால் பாதிக்கப்பட கூடாது என்று 20 கோடி ருபாய் அளவிற்கு அவர்களுக்கு நஷ்டஈடு வழங்கினார். ( அதாவது 15 வருடங்களுக்கு முன்பே கிட்டத்தட்ட இருபது கோடி). அப்பொழுது அவருக்கு பிற தயாரிப்பாளர்கள் மற்றும் நடிகர்கள் கடும் எதிர்ப்பு தெரிவித்தனர். இப்படி நஷ்டம் அடைந்தவர்களுக்கு நஷ்டஈடு கொடுத்தால், வியாபாரம் செய்ய முடியாது. வியாபாரத்தில் லாபம், நஷ்டம் என்பது இயல்புதான் என்று கருத்து தெரிவித்தனர். கமல் ஒரு படி மேலேபோய், ரஜினி செய்தது தவறான முன்னுதாரணம் ஆகிவிடும். இதனால், படம் தோல்வி அடைந்தால், நாம் வாழ முடியாது என்றும் தெரிவித்து இருந்தார். ஆனால் ரஜினி, என்னால் சினிமாவில் வாழ்ந்தவர்கள்தான் இருக்க வேண்டுமே தவிர, நஷ்டம் அடைந்தவர்கள் இருக்க கூடாது என்று அனைத்து விநியோகஸ்தர்களுக்கும் பணத்தை திருப்பி கொடுத்தார். ஆகா! இவர்தான் மகான் என்று அனைத்து விநியோகிஸ்தர்களும் பணத்தை வாங்கி கொண்டு சென்றனர். இதற்கு முன்பு, வியாபாரத்தில் தோல்வி அடைந்தவர்களுக்கு நஷ்ட ஈடு கொடுத்த வரலாறு இந்திய துணைக் கண்டத்தில் நடந்தது உண்டா?? அப்பேற்பட்ட, மனசிற்கு சொந்தகாரர் தான் ரஜினி. ரஜினி தான் பாபா படத்திற்கு தயாரிப்பாளர் என்பது கூடுதல் தகவல்.

2008 ஆம் ஆண்டு, ரஜினியின் குருவான பாலச்சந்தர் தயாரிப்பில் வெளிவந்த திரைப்படம் குசேலன். இந்த படமும் தோல்வி அடைந்தது. உடனே விநியோகிஸ்தர்கள் ரஜினி நஷ்டஈடு தரவேண்டும் என்று கிளம்பி விட்டனர். பாபா படத்தில் ரஜினி தயாரிப்பாளர். அவர் அதற்கு மனிதாபிமான அடிப்படையில் நஷ்டஈடு கொடுத்தார். இதில் ரஜினி ஒரு நடிகர் மட்டுமே. அதுவும் பசுபதி தான் இந்த படத்தின் முக்கிய கதாநாயகன். அப்படி இருக்கையில், நீங்கள் அதிக பணம் கொடுத்து வாங்கிவிட்டு, ரஜினியிடம் நஷ்டஈடு கேட்பது, எவ்வளவு பெரிய அயோக்கியத்தனம். ஆனால் ரஜினி மாமனிதர். மீண்டும் தனது கொடை பண்பை நிரூபித்தார். குசேலன் படத்தின் தமிழ் பதிப்பிற்கு ஒரு ரூபாய் கூட சம்பளம் பெறவில்லை. அதேபோல் ஒரு குறிப்பிட்ட தொகையை நஷ்டஈடாக கொடுத்து உதவினார்.




2014 ஆம் ஆண்டு, லிங்கா படம் தோல்வியுற்ற பொழுது, (பல விநியோகிஸ்தர்கள் உண்மையான வசூலை மறைத்தனர்). விநியோகிஸ்தர் சிங்கார வேலன் என்பவர் ரஜினி படத்திற்கு நஷ்ட ஈடு தர வேண்டும் என்று கூறினார். பாபா ரஜினியின் தயாரிப்பு, குசேலன் ரஜினியின் குருவான பாலச்சந்தர் தயாரிப்பு. அதற்கு ரஜினி நஷ்ட நீடு கொடுத்ததில் ஒரு நியாயம் இருக்கிறது. இந்த படத்திற்கு ராக்லைன் வெங்கடேஷ் என்பவர் தான் தயாரிப்பாளர். இந்த படத்திற்கு ரஜினியிடம் நஷ்டஈடு கேட்பது எவ்வளவு பெரிய அயோக்கியத்தனம் ?? ரஜினி அமைதி காத்ததால், ரஜினியின் வீடு முற்றுகை மற்றும் உண்ணாவிரதம் போன்றவற்றை நடத்தினார். அந்த உண்ணாவிரதத்திற்கு வந்து இருந்த சிறப்பு விருந்தினர் பெயரைக் கூறினாலே உங்களுக்கு அதன் உண்மைத்தன்மை தெரிந்துவிடும். அந்த நபர், வேறு யாரும் இல்லை. நமது அண்ணன் சீமான் தான். லிங்கா படத்திற்கும் இவருக்கும் என்ன சம்மந்தம் இருக்கிறது ?? பொறுத்து பார்த்த ரஜினி, சிங்கார வேலன் தான் தற்கொலை செய்து கொள்வேன் என்று கீழ்த்தரமாக சென்றதால், அவரை அழைத்து நஷ்டஈடு கொடுத்தார். வெளியே வந்த சிங்கார வேலன், ரஜினியை புகழ்ந்து விட்டு சென்றார். ஒரு வாரம் சென்று இருக்கும், மீண்டும் வேதாளம் முருங்கை மரம் ஏறிய கதையாக, நஷ்டஈடு பத்தவில்லை. இன்னும் வேண்டும் என்று குறிப்பிடுகிறார். அதே நேரத்தில் மத்த விநியோகஸ்தர்கள், தங்களுக்கு நஷ்டஈடு கொடுக்காமல், சிங்காரவேலனே மொத்தத்தையும் எடுத்து கொண்டதாக புகார் கூறுகின்றனர். இதற்கு மேல், ரஜினி இவர்களுக்கு ஒரு பதில் கூட கூறவில்லை. அமைதி காத்தார்.

இப்படி தான் நடித்த படங்களுக்கும், தான் தயாரித்த படங்களுக்கும் நஷ்ட ஈடு கொடுத்த இவர், (உலகத்தில் யாருமே செய்யாத செயல் இது!! திரைத்துறையில் யாராவது ஒருவர் நஷ்டத்தை திருப்பி கொடுத்து இருக்கிறார்கள் என்று கூறுங்கள் பார்க்கலாம் ?) கோச்சடையான் பட விவகாரத்ததிலா ஏமாற்றி விடுவார்?? அதுவும் 15 ஆண்டுக்களுக்கு முன்பே பாபாவின் நஷ்டத்திற்காக 20 கோடி ருபாய் அளவிற்கு கொடுத்தவர், இந்த 8.5 கோடியை ஏமாற்றி விடுவாரா? கண்டிப்பாக ஏதோ சட்ட சிக்கல் இருக்கிறது. அதற்காக தான் வழக்கு நீதிமன்றம் சென்று இருக்கிறது. இல்லையென்றால், இதனை எப்பொழுதோ தீர்த்து வைத்து இருப்பார். கண்டிப்பாக, சட்டத்தின் படி இந்த பிரச்சனையை எதிர் கொள்வார்.

நம் மக்களுக்கு மறதி ஒரு தேசிய வியாதி என்பதால், அவர்களுக்கு அடிக்கடி ரஜினி செய்த நல்லவற்றை நினைவு படுத்த வேண்டி இருக்கிறது.

இப்படிக்கு,
அ .அருள்செல்வன்.

(பி.கு ) நான் ரஜினி அவர்களைப் பற்றி பல பதிவுகளை எழுதி வருகிறேன். இது பதவியை எதிர்பார்த்தோ அல்லது வேறு எதற்காகவும் அல்ல. ரஜினிக்காக உயிரை கொடுக்க கூடிய தொண்டர்கள் அதற்கு நிறைய பேர் இருக்கிறார்கள். நான் என்னுடைய பதிவின் இறுதியில் என் பெயரை குறிப்பிடுவேன். நண்பர்கள் இந்த பதிவை ஷேர் செய்யும்பொழுது,என் பெயருடன் சேர்த்து ஷேர் செய்யுமாறு கேட்டுக் கொள்கிறேன். இதன் மூலம், இது யாருக்காது சென்று, அது ரஜினி அவர்களுக்கு சென்று, அவருடன் ஒரு புகைப்படம் எடுக்க வேண்டிய என் நீண்டநாள் விருப்பம் நிறைவேறாத என்ற பேராசைதான்.(நான் இதுவரை ரஜினியை தூரத்தில் நின்று கூட பார்த்தது கிடையாது). ஆனால் பல நண்பர்கள் என் பெயரை நீக்கிவிட்டு, இன்னும் சொல்லப்போனால் அவர்கள் எழுதியது போல் ஷேர் செய்கிறார்கள். எனக்கு அதனால் வருத்தம் இல்லை. அவர்களும் ரஜினியனைப் பற்றிய நல்கருத்துகளை பரப்ப வேண்டும் என்கின்ற ஆவலில் தான் செய்கிறார்கள். இருந்தாலும் என்னுடைய வேண்டுகோளாக இதனை வைக்கிறேன். நன்றி !!

Tuesday, February 20, 2018

வீரத்தில் மன்னன் நீ - ரஜினி

ரஜினி அரசியல்வாதிகளை எதிர்த்து, ஜெயலலிதா மரணத்திற்கு முன்பு பேசியது கிடையாது, அவர் ஒரு கோழை என்று சில தற்குறிகள் அடிக்கடி வந்து தொந்தரவு செய்கிறார்கள். அவர்களுக்கான பதிவு தான் இது. இது எனக்கு தெரிந்த வரை மட்டுமே !! நான் எதையாவது பதிவு செய்யாமல் விட்டு இருந்தால் நண்பர்கள் கமண்ட் செய்யலாம்.



1) இதற்குமேல் கர்நாடாகாவில் தமிழர்கள் தாக்கப்பட்டால், என்னுடைய ரசிகர்களை அங்கு கூட்டி வந்து போராட்டம் செய்வேன் - 1992 காவிரி பிரச்சனையின் போது

2) தமிழ்நாட்டில் வெடிகுண்டு கலாச்சாரம் அதிகமாகிவிட்டது ( செல்வி.ஜெயலலிதா ஆட்சியை எதிர்த்து, அதிமுக அமைச்சரை மேடையில் வைத்துக்கொண்டு - 1995 மணிரத்னம் வீட்டில் வெடிகுண்டு வெடித்தபோது )

3) திரைப்பட நகருக்கு உங்களுடைய பெயர் வைத்தது மிக பெரிய தவறு. எம்.ஜி.ஆர் பெயரை வைத்து இருக்க வேண்டும்( 1995 ஆம் ஆண்டு , சிவாஜி கணேசனின் பாராட்டு விழாவில், செல்வி.ஜெயலலிதாவை மேடையில் இருக்கும் பொழுது கூறியது. அதன் பிறகு திமுக ஆட்சிக்கு வந்ததும் அது எம்.ஜி.ஆர் திரைப்பட நகர் என்று மாற்றப்பட்டது.

4) மறுபடியும் ஜெயலலிதா ஆட்சிக்கு வந்தால், தமிழ்நாட்டை ஆண்டவனால் கூட காப்பாற்ற முடியாது - 1996 ஆம் ஆண்டு சட்டமன்ற தேர்தலின் போது

5) டாக்டர்.ராமதாஸ் வன்முறைகளின் ராஜாவாக திகழ்கிறார் - 2004 ஆம் ஆண்டு நாடாளுமன்ற தேர்தலின்போது.

6) "விஜயகாந்த் கலக்கி இருக்கீங்க . நல்ல ஓட்டு வாங்கி இருக்கீங்க . உங்களுக்கு என்னுடைய வாழ்த்துக்கள்" ( 2006 - சிவாஜி கணேசன் சிலை திறப்பு விழாவில், அப்போதைய முதல்வர் கலைஞரை வைத்துக்கொண்டு மேடையில் கூறியது. பல நடிகர்கள் விஜயகாந்தை போய் பார்த்து வாழ்த்து தெரிவித்தது, அவர் 2011 இல் எதிர்க்கட்சி தலைவராக பொறுப்பு ஏற்றுக்கொண்ட பின்புதான் என்பது குறிப்பிடத்தக்கது)

7) கலைஞருக்கு இரண்டு மிகப்பெரிய சொத்து. ஒன்று திமுக என்ற சொத்து. இன்னொன்று அழகிரி, ஸ்டாலின். இந்த சொத்து அந்த சொத்தை காப்பாற்ற வேண்டும். அந்த சொத்து இந்த சொத்தை காப்பாற்ற வேண்டும். (அழகிரி, ஸ்டாலின் இடையே நடக்கும் பனிப்போரை, அவர்கள் ஒத்துமொத்த குடும்பத்தையும் வைத்துக்கொண்டு 2010 ஆம் ஆண்டு அழகிரி அவர்கள் மகன் திருமணத்தின்போது கூறியது)

8) 2010 ஆம் ஆண்டு பாசத்தலைவனுக்கு பாராட்டு விழா நிகழ்ச்சியில், அஜித் குமார் பேசிய சில தைரியமான கருத்துகளுக்கு தலைவர் அவர்கள் முதல்வர் அருகிலேயே எழுந்து கை தட்டினார் . அது மட்டும் இல்லாமல் அஜித்தின் பேச்சிற்கு ஆதரவு கூறினார். அதே நிகழ்ச்சியில் அரசு கொடுக்கும் இலவசங்களுக்கு எதிராக பேசினார். அதுமட்டுமல்லாமல், "அரசு ஒதுக்கிய இந்த நிலம் ஏழை தொழிலளர்களுக்கு போய் சேர வேண்டும் . இதை யாரும் ஏமாற்ற கூடாது. “உண்மையை பேசுறதுல, சத்தியம் பேசுறதுல நான் யாருக்கும் எவனுக்கும் பயப்படமாட்டேன். என் மனசுக்கு என்ன தோணுதோ அதை தான் செய்வேன்". என்று அரசாங்கத்தில் நடக்கும் ஊழலை முதல்வர் கலைஞரை வைத்துக் கொண்டு தைரியமாக பேசினார். ஆனால் கலைஞர் தொலைக்காட்சியோ அஜித் பேசியதை மட்டும் இல்லாமல் , ரஜினி மேற்கொண்டு கூறிய வார்த்தைகளையும் எடிட் செய்து ஒளிபரப்பியது .

9) 30 ஆண்டுகளாக ஒரு இனத்தின் போராட்டத்தை, சகல படை பலம் வசதிகளும் கொண்ட உன்னால ஒழிக்க முடியலேன்னா... என்ன வீரர்கள் நீங்கள்? ஆம்பளைங்களா நீங்க...? ( 2009 - ஆம் ஆண்டு இலங்கை அரசை கண்டித்து பேசியது. இதற்கு முன்பு சத்தியமாக எந்த ஒருவரும் இப்படி ஒரு நாட்டைப் பார்த்து ஆம்பளைங்களா நீங்க...?’ என்று கேள்வி கேட்டதாக தெரிய வில்லை )

10) வெளிய மக்கள் மழை வெள்ளத்தினால் அவஸ்தை படுறாங்க !!! இந்த நிகழ்ச்சியை சீக்கிரமா முடிச்சிங்கனா, முதல்வர் அதை போய் கவனிப்பாங்க !!! ( 2010 ஆம் ஆண்டு இளைஞன் இசை வெளியீட்டு விழாவில் அப்பொழுதைய முதல்வர் கலைஞரை வைத்துக்கொண்டு )

11) பொன்னர் ஷங்கர் இசைவெளியீட்டு விழாவில் முதல் நாள் கலைஞருடன் கலந்து கொண்டு விட்டு, மறுநாள் 2011 ஆம் ஆண்டு பொது தேர்தலில், அதிமுகவிற்கு ஓட்டு போட்டார் ரஜினி . ( அவர் யாரிடம் வேண்டுமானால் நெருக்கமாக இருப்பார். ஆனால் அதற்காக அவர்களுக்குதான் அவர் ஆதரவு தருவார் என்று நீங்கள் நினைப்பதில் அர்த்தமில்லை).

12) 2013 ஆம் ஆண்டு, தமிழ் சினிமா நூற்றாண்டு விழாவில், ஜெயலலிதா அவர்களை வைத்துக்கொண்டு கலைஞரை புகழ்ந்தார். அவர் பேசியது , " இந்த நேரத்துல நலிந்த கலைஞர்களுக்கு இடஒதுக்கீடு செய்த டாக்டர் கலைஞர் அவர்களுக்கு என் நன்றியைத் தெரிவித்துக் கொள்கிறேன்.

13) 2008 ஆம் ஆண்டு ஒக்கனேக்கல் கூட்டு குடிநீர் திட்டத்தை ஆதரித்து பேசும் பொழுது, கர்நாடாகாவில் பிரச்னையில் ஈடுபடுவோரை உதைக்க வேண்டும் என்று கூறினார்( பிறகு இதற்கு வருத்தம் தெரிவித்தார்). கர்நாடகாவில் இருந்து மும்பை சென்ற ஒருவர், அநாகரிகமாக பேசுவதாக கண்டித்தார். ( அப்பொழுது மும்பையின் கவர்னராக இருந்த S.M. கிருஷ்ணாவை குறிப்பிடுகிறார்)

இதற்கு முன்பு இந்திய அளவில், சினிமா துறையில் உள்ள ஒருவர், இப்படி முதலமைச்சர்களுக்கு எதிராகவும், அரசியல் வாதிகளுக்கு எதிராகவும் குரல் கொடுத்து இருக்கிறார் என்று உங்களால் கூற முடியுமா?? அதுதான் ரஜினி. ஆதலால், அவர் இதற்கு முன்பு யாரையும் எதிர்த்து பேசியது இல்லை என்று கூறுவதை விட்டுவிட்டு, உங்களது பொழைப்பை பார்த்தால் நன்றாக இருக்கும்.
இப்படிக்கு,
அ.அருள்செல்வன்

பச்சைத் தமிழனைக் கண்டு பிடிப்பது எப்படி - செய்முறை

அமெரிக்கா மற்றும் மேலை நாடுகளில் கறுப்பர் மற்றும் வெள்ளையர் இடையே பல ஆண்டுகளாக பிரிவினை இருந்து வருகிறது. அங்கே, கறுப்பர் மற்றும் வெள்ளையர் ஆகியோரை கண்டுபிடிப்பது மிக சுலபம். பார்த்தவுடன் சொல்லி விடலாம். ஆனால் ஒருவன் உண்மையான தமிழனா?? என்று பார்த்தவுடன் சொல்லிவிட முடியாது. ஏனென்றால், வடகிழக்கு மாநிலம் தவிர, அனைத்து இந்திய மாநில மக்களும் ஒரே மாதிரிதான் இருப்பார்கள். அதனால் ஒருவரை பார்த்தவுடன் தமிழன் என்று கண்டு பிடிக்க முடியாது.



ஒருவர் பிறந்த ஊரை வைத்து அவர் தமிழரா?? என்று பார்த்தோமே ஆனால், பிரபாகரன் அவர்களையே தமிழராக கருத முடியாது!! அதுவும் இல்லாமல் தமிழ்நாடு என்பது உதயமானதே அறுபது ஆண்டுகள் முன்பு தான். அப்பொழுது 60 வருடங்கள் முன்பு பிறந்தவர்கள் யாரும் தமிழர்கள் இல்லையா?
ஒருவர் பேசுவதை வைத்து அவர் தமிழர் என்று முடிவு செய்து விடலாமா? அது எப்படி?? வியாபாரம் செய்ய உதவும் மொழியை யார் வேண்டுமாலும் கற்றுக் கொள்ளலாம். அதனால் ஒருவர் தமிழே பேசினாலும், நீங்கள் தமிழர் என்று கூற முடியாது.

நேரில் பார்த்தும் கண்டு பிடிக்க முடியாது!! பிறந்த இடத்தை வைத்தும் கண்டு பிடிக்க முடியாது!! பேசும் தமிழை வைத்தும் கண்டு பிடிக்க முடியாது!!
அப்பொழுது பிரிவினை பேசும் அரசியல்வாதிகள், ஒருவன் தமிழன் என்று எதனை வைத்துக் கண்டு பிடிக்கிறார்கள். வேறு எதை வைத்து ஜாதியை வைத்துதான்!! அதனை வைத்துதான் அவன் தமிழன் என்று கண்டுபிடிக்கும் வேலையை தும்பிகள் செய்து வருகிறார்கள்.

ஒருவன் ஒரு மதத்தை விரும்பி ஏற்று கொண்டால், அவனது மதத்தை மாற்றி விடுவீர்கள்!!! ஆனால் ஒரு மனிதன் தமிழ் மொழியையும், தமிழ் கலாசாரத்தையும் ஏற்றுக் கொண்டு, நான் பச்சை தமிழன் என்று கூறினால் அவரை தமிழராக ஏற்றுக் கொள்ள மாட்டீர்கள்?? என்னங்க சார் உங்க சட்டம்??

தமிழ் போராளீஸ் !!

ஒவ்வொரு முறை காவிரி நீர் தொடர்பாக தீர்ப்பு வரும்பொழுதும், தமிழகம் அமைதி பூங்காவாக இருக்கும். ஆனால் கர்நாடகாவில் பயங்கரமான வன்முறை வெடிக்கும். தமிழர்கள் தாக்கப்படுவார்கள். தமிழக பேருந்துகள் கொளுத்தப்படும். இதற்கு யார் காரணம் ?? கன்னட மக்களா?? கன்னடத்தில் உள்ள பிரதான கட்சிகளா ( பிஜேபி மற்றும் காங்கிரஸ் ) ??. இவர்கள் இருவருமே கிடையாது. அங்கு கன்னட மொழியை வைத்து பிரிவினையைத் தூண்டும் வாட்டாள் நாகராஜ் போன்ற ஆட்களும், அவர்கள் நடத்தும் கட்சிகளும்தான். இவர்களுக்கு உண்மையில் பார்த்தால், அவர்கள் தாய் மொழி மீது எல்லாம் அக்கறை கிடையாது. மொழியின் காரணமாக மக்களை பதற்றத்தில் வைத்து, பணம்,புகழ் சம்பாதிப்பது மட்டும்தான்.



இதே கதைதான் மராட்டியத்தில், ராஜ் தாக்ரே கட்சிக்கும். மொழி வெறி என்பது, மதம் மற்றும் ஜாதி வெறியை விட கொடியது. உலகத்தில் மிக பெரிய இன அழிப்பு(genocide) அத்தனையும் மொழியை மையப்படுத்தி நடந்தது தான். மொழிப்பற்று இருக்கலாம், ஆனால் மொழிவெறி மற்றும் அதன் மூலமாக பரவும் இனவெறி அறவே கூடாது.

தற்பொழுது தமிழ்நாட்டில் வாட்டாள் நாகராஜ் போன்று மொழியைக் கொண்டு பிரிவினையைத் தூண்டி பலன் தேடும் முயற்சியில் சீமான், திருமுருகன் காந்தி மற்றும் வேல் முருகன் போன்றோர் ஈடுபட்டுள்ளனர். இவர்களின் பின்னால் இளைஞர்கள் சென்றால், தமிழ்நாட்டின் ஆணிவேரான அமைதி, வேற்றுமையில் ஒற்றுமை உள்ளிட்ட அனைத்தும் சுக்கு நூறாக உடைந்தது போகும்.

தமிழர்கள் கன்னட பேருந்துகளைக் கொளுத்தினர். தமிழர்கள் கன்னடர்களைத் தாக்கினர். கேட்பதற்கு எவ்வளவு கேவலமாக உள்ளது?? இதனை செய்யத்தான் நாம் தமிழர் உள்ளிட்ட இயக்கங்கள் இனவெறியைத் தூண்டிக் கொண்டு இருக்கின்றன. இவர்கள் பின்னாலா, நீங்கள் செல்லப் போகிறீர்கள் ??
மொழிவெறியை வைத்து அரசியல் செய்யும் ஆட்களை மக்கள் அடையாளம் கண்டு,அவர்களை ஒதுக்கி வைக்க வேண்டும். அப்படி நடக்கவில்லையென்றால், இந்தியாவில் உள்ள அனைத்து மாநிலங்களும் ஒன்றாக சேர்ந்து வாழ்வதற்கான வாய்ப்பு இல்லாமல் போய் விடும்!!

இப்படிக்கு,
அ.அருள் செல்வன்.

ரஜினி கர்நாடகாவிடம் மன்னிப்பு கேட்டாரா??

நான் எந்த ஒரு பதிவு போட்டாலும் , சில தற்குறிகள் கர்நாடகாவிடம் மன்னிப்பு கேட்டவர் தானே இந்த ரஜினி என்று கமெண்ட் செய்கிறார்கள். அந்த அறிவாளிகளுக்கான பதில்தான் இது !!!

ரஜினி வருத்தம் தான் தெரிவித்தார், மன்னிப்பு கேட்கவில்லை என்று மற்ற புரட்சித் தமிழர்கள் போல் நான் சப்பைக்கட்டு கட்ட விரும்பவில்லை. ரஜினி மன்னிப்புதான் தெரிவித்தார். ஆனால் எதற்காக?? காவிரி நீர் பிரச்சனையில் தமிழ்நாட்டிற்கு ஆதரவு தெரிவித்து பேசியதாலா? ஒக்கேனக்கல் கூட்டு குடிநீர் திட்டம் செயல் படுத்த தன்னுடைய ஆதரவைத் தெரிவித்ததாலா?? இல்லவே இல்லை.





2008 ஆம் ஆண்டு இறுதியில் நடைபெற்ற ஒகேனக்கல் கூட்டு குடிநீர் போராட்டத்தில் கலந்து கொண்ட தமிழ் மற்றும் தமிழக நலனுக்குக்காக பல நன்மைகள் செய்து முடித்து(??) வாழ்ந்து வருகின்ற சத்யராஜ் உள்ளிட்ட சில நடிகர்கள், ரஜினியை மேடையில் வைத்து கொண்டு, அவரை எந்த அளவிற்கு அவமான படுத்தினார்கள் என்பது எல்லார்க்கும் தெரியும். ஒருவரை மேடையில் வைத்து கொண்டு அவமானப்படுத்துவது அல்லவா தமிழர் பண்பாடு(???) அதனைத்தான் பாதுகாத்தார் சத்யராஜ். இதனால் கடும் மன உளைச்சலில் பேச வந்த ரஜினி, தன்னையும் அறியாமல் கன்னட அமைப்பினரைப் பார்த்து கோடாரியால் வெட்ட வேண்டும் என்று கூறிவிட்டார். நான் சிறு வயதில் இருந்து பார்த்தவரை ரஜினி இந்த அளவிற்கு உணைர்ச்சி மிகுதியால் பேசியது இல்லை.

இதனை எதிர்த்து குசேலன் பட வெளியீட்டின் போது பிரச்சனை செய்த கன்னட அமைப்பினரிடம், எனக்கு மேடை அனுபவம் இல்லாததால், சில தகாத வார்த்தைகளை கூறிவிட்டேன் , அதற்கு வருத்தம் தெரிவிக்கிறேன்" என்று கூறினார். ஒக்கனேக்கல் பிரச்சைனையிலோ அல்லது காவிரி பிரச்சனையிலோ தான் தமிழகத்தை ஆதரிப்பது தவறு என்று அவர் மன்னிப்பு கேட்கவில்லை. அவர்களை கோடாரியால் வெட்டுவேன் என்று கூறியதற்குதான் மன்னிப்பு கேட்டார்.

தன்னுடைய ரசிகர் மன்ற சந்திப்பின் போது , ரசிகர் ஒருவர் இந்த கேள்வியைக் கேட்டார். " என்ன தலைவா? கர்நாடகாகிட்ட மன்னிப்பு கேட்டுட்டீங்க? அதற்கு தலைவர் சொன்ன பதில் " என்ன பன்றது? உங்களுக்கே தெரியும். மேடைல எல்லாரும் எப்படி பேசுனாங்க அப்படினு, நானும் மனுஷன் தானே ? அதான் கோபம் வந்து சில தகாத வார்த்தைகளை பேசிட்டேன். நான் அப்படி பேசி இருக்க கூடாது". இது தான் ரஜினியின் மனசு.

சிவாஜி படத்தை சன் தொலைக்காட்சிற்கு தரவில்லை என்கின்ற கோபத்தில் இருந்த அவர்கள், சன் நியூஸ் தொலைக்காட்சியில் ஒவ்வொரு 30 நிமிடத்திற்கு ஒருமுறையும் ரஜினி மன்னிப்பு கேட்டார் என்று கூறி தலைப்பு செய்தியை ஒளிப்பரப்பி, ரஜினிக்கு எதிரான போராட்டங்களை முன்னிலைப் படுத்தினர். அப்பொழுது சத்யராஜ், "தனக்கு இந்த மாதிரி சூழ்நிலை வந்து இருந்தால், நான் மன்னிப்பு கேட்க மாட்டேன்" என்று கூறினார். இவன்தான்டா தமிழன் என்று கொடி தூக்க ஆரம்பித்தார்கள். காரணம் , அவர் பிற மொழி படங்களில் நடிக்க மாட்டாராம். ஆனால் பிற மொழி நடிகைகளை மட்டும் படத்தில் கொஞ்சுவார். அந்த தன்மான தமிழன் பாகுபலி படத்தின் போது கர்நாடகாவின் காலில் விழுந்தது நாம் அறிந்ததே !!!

ஒரு தமிழனாக இருந்து கர்நாடாகாவிற்கு எதிராக குரல் கொடுப்பதை விட, கர்நாடகாவில் பிறந்து வளர்ந்த ஒருவர் குரல் கொடுப்பது எவ்வளவு பெரிய விஷயம்? அதனை நாம் பாராட்டவில்லை என்றாலும் பரவாயில்லை. தூற்றாமல் இருக்கலாம் அல்லவா?

காலா திரைப்படத்தில் ரஜினியின் அறிமுகக் காட்சி - ! ஒரு ரசிகனின் கற்பனையில் !!!

காலா திரைப்படத்தில் ரஜினியின் அறிமுகக் காட்சி !!! ஒரு ரசிகனின் கற்பனையில் !!!

மும்பையின் தாராவி கழகு பார்வையில் காட்டப்படுகிறது !!! MADRAS திரைப்படம் போல பா.ரஞ்சித்தின் குரலோடு படம் தொடங்குகிறது.
இதுதான் தாராவி !!! மும்பைல 10 லட்சத்துக்கும் மேற்பட்ட தமிழ் மக்கள் வசிக்கிற இடம். இங்க சுதந்தரம் வாங்குனதுல இருந்து, இந்த குடிசை பகுதிலதான் வாழ்ந்துட்டு வராங்க!!! இவங்க வாழ்க்கைத்தரத்தை உயர்த்துறேன்னு ஓட்டு வாங்கி ஜெயிச்ச ஆளுங்கட்சியும் சரி, எதிர்க்கட்சியும் சரி, இலவசத்தை மட்டும் கொடுத்து மக்களை ஏமாத்துறாங்க !!! இவங்க முன்னேற கூடாதுங்கிறதுல ரொம்ப தெளிவா இருக்காங்க.



இப்போ ஆளுங்கட்சியா இருக்கிற கட்சியோட தலைவர் ஒரு வருஷம் முன்னாடி இறந்துட்டாங்க !!! இப்போ ஆட்சி அதிகாரம் அவங்க பசங்க ரெண்டு பேரு கைலதான் இருக்கு !!! இவங்க ரெண்டு பேரு செய்கின்ற கோமாளித்தனத்தை பார்த்து மக்கள் கொதிச்சுப்போய் இருக்காங்க !!!
எதிர்க்கட்சி தலைவருக்கு ரொம்ப வயசு ஆகி போய்டுச்சு !!! எப்படியாவது தான் இறக்குறதுக்குள்ள தன்னுடைய மகனை பதவிக்கு வர வைக்கணும்னு பார்க்குறாரு !!!ஆனா அவர் அதுக்கெல்லாம் சரி பட்டு வர மாட்டார்னு மக்கள் நினைக்குறாங்க !!! அதுமட்டும் இல்லாம அவங்க ஆளுங்கட்சியா இருக்கும்போது செய்த ஊழல்களை மக்கள் மறக்கல !!!

இவங்க ரெண்டு பேரு மட்டும் இல்லாம ஜாதிய வெச்சு அரசியல் செய்யுற ஒரு கட்சியோட மகன் !!! தமிழ் தலைவர் கூட தான் இருக்குற மாதிரி போட்டோஷாப் செய்து அதை வைத்து பொழப்பு நடத்திக் கொண்டு இருக்கும் ஒரு அரசியல்வியாதி உள்ளிட்ட பல பேர் இந்த மக்களை சுரண்டக் காத்துகிட்டு இருக்காங்க. இவங்ககிட்ட இருந்து காப்பாத்த யாராவது அரசியலுக்கு வர மாட்டாங்களா அப்படினு மக்கள் நினைச்சிட்டு இருக்கும்போது தான் கரிகாலன் என்கிற காலா, இந்த வருட தேர்தலில் நான் நிக்குறேன் அப்படினு அறிவித்து இருக்கிறார். ( அப்பொழுது ரஜினியின் முதுகுபுறம் மக்கள் வெள்ளத்தில் காட்டப்படுகிறது)1980 களில் தமிழ்நாட்டில் இருந்து மும்பைக்கு பஞ்சம் பொழைக்கவந்த குடும்பம்தான் காலாவோட குடும்பம். இங்க வந்து தன்னோடு உழைப்பால முன்னேறி மக்களுக்கு பல நல்லது செஞ்சுட்டு வராரு. இவர் அரசியலுக்கு வரேன்னு சொன்னதும் இவர் கூட நண்பனா இருந்த பல அரசியல்வாதிகள், இப்போ விரோதியா மாறிட்டாங்க.

ஏன் !! காலாவின் நண்பனாக இருந்த உலகநாதன் கூட, புலியைப் பார்த்து பூனை சூடு போட்டக் கதையாக தானும் ஒரு கட்சி ஆரம்பிக்க போவதாக கூறிக் கொண்டு அலைகிறார். ஆனால் மக்கள் அவரை சீண்டக்கூடவில்லை. இவர் எதிர்கட்சியோட ஆளா இருப்பாரோன்னு சந்தேக படுறாங்க !!!
இதுநாள் வரைக்கும் மக்களுக்கு நல்லது செய்ய ஒன்னு சேராத இந்த அரசியல்கட்சிகள், இவரை எதிர்க்க எல்லாரும் ஒன்னு சேர்ந்து இருக்காங்க. இவங்க கிட்ட இருந்து அந்த மக்களை எப்படி காப்பாத்துறார்னு பார்ப்போம்.

முதல் காட்சி:

அரசியல்வியாதி ( குடிசை மக்களைப் பார்த்து) - இங்க பாரு!! எங்க இருந்தோ வந்த வந்தேறிய நீங்க எல்லாம் ஆதரிச்சீங்க!! உங்க எல்லாரையும் கொளுத்திடுவேன். எங்களை தவிர இங்க ஒரு நாய் உள்ள வர முடியாது.

அப்பொழுது காலாவின் நாய் (பயங்கர பின்னணி இசையுடன் வருகிறது). அதனை பார்த்த அரசியல்வியாதி, இது என்னடா நாய் வந்து இருக்கு !!

குடிசை மக்களில் ஒருவன் - இது உனக்கு ஒரு வார்னிங் !!! நாய் வரும்போதே நீ இந்த இடத்தை விட்டு போய்டு !!! ஏன்னா !! அடுத்து வர போறது ஒரு சிங்கம் !!! அதுகிட்ட நீ சிக்குன்ன சின்னாபின்னமா ஆயுடுவ !!!

அரசியல்வியாதி: வரட்டும்!! என்ன ஆகுதுன்னு பாப்போம் !!!

மக்கள் - (மனதிற்குள்) இவன் இவங்க ஆத்தா,அப்பத்தாகிட்ட போறது நிச்சயம்
(யமஹா RX 100 பைக் வேகமாக வருகிறது. தலைவரை பின்னால் வைத்துக்கொண்டு ஒரு இளைஞன் வேகமாக ஒட்டி வருகிறான். தலைவரின் முகம் தவிர கால், கை என்று அனைத்தும் காட்டப்படுகிறது. வண்டி அரசியல்வியாதி இருக்கும் இடத்திற்கு வந்து நிற்கிறது. தலைவரின் நாய் ரஜினியின் காலைப் போய் கொஞ்சுகிறது. ரஜினி நாயைத் தூக்கி ஒரு முத்தம் இடுகிறார்).

ரஜினி - உனக்கு இருக்கிற நன்றி, இங்க மனுஷனுக்கு இல்லாம போச்சே !!!
ரஜினி அரசியல்வியாதியிடம் ஸ்டைலாக நடந்து வருகிறார்.
அரசியல்வியாதி - நீ எதுக்குடா இந்த மக்களுக்கு நல்லது செய்ய அரசியலுக்கு வரணும்னு நினைக்கிற?? அதுக்கு நாங்க இருக்கிறோம் !! நாங்க பார்த்துக்குறோம் !!! நாங்க எல்லாம் ஒன்னு சேர்ந்தோம், உன்ன இல்லாம பண்ணிடுவோம் !!
ரஜினி - என்னை எதிர்க்க ஒன்னு சேர்ந்த நீங்க, மக்களுக்கு நல்லது செய்ய ஒன்னு சேர்ந்து இருந்தீங்கனா, நான் ஏன்டா அரசியலுக்கு வர போறேன்
அரசியல்வியாதி - அவங்களுக்கு நல்லது செய்ய நீ யாருடா!!
ரஜினி - உலகத்துக்கு ஒரு பிரச்சன்னைனா நான் மனுஷன் !!!
இந்தியாவுக்கு ஒரு பிரச்சனைனா நான் இந்தியன் !!!
தமிழனுக்கு ஒரு பிரச்சனைனா நான் தமிழன் !!!
அரசியல்வியாதி - டேய்!! இந்த வந்தேறிய அடிச்சு போடுங்கடா !!
ரஜினி - நான் வந்தேறி இல்லடா !! ஊழல் செய்யுற உங்கள மாதிரி ஆளுங்கள அடிக்க வந்து இருக்கிற காட்டேரி !!!
ரஜினி அனைவரையும் அடிச்சு துவம்சம் செய்கிறார். படத்தின் முதல் பாடலில் தியேட்டர் ரணகளம் ஆகிறது
இப்படிக்கு ,
அ.அருள்செல்வன்

Wednesday, February 7, 2018

ரஜினியை ஏன் ஆதரிக்கிறோம் ??

நான் ரஜினியைத் தொடர்ந்து ஆதரித்து எழுதி வருவதைப் பார்த்த சில பேர், இவன் ஒரு படித்த முட்டாள், நடிகர்கள் பின்னால் செல்பவன் என்று தொடர்ந்து நாகரிகம் இல்லாமல் கூறி வருகிறார்கள்.. இவர்களுக்கான பதிவு தான் இது.



நான் ஒரு படித்த முட்டாள் என்று கூறுகிறார்கள். என்னவோ ரஜினிக்கு எதிராக களத்தில் காமராஜரும், அண்ணாதுரையும் இருப்பதை போலவும், நான் அவர்களை விட்டு விட்டு ரஜினியை ஆதரிப்பது போலவும் கூறி வருகிறார்கள். களத்தில் ரஜினியோடு நிற்கும் ஒரே ஒரே தலைவராவது, உழைத்து சம்பாதித்து கட்சி நடத்துபவராக இருக்கிறாரா?(நடிகர்களைத் தவிர). நல்லகண்ணு அய்யா இருக்கிறாரே?? என்று கூறுவார்கள். கடைசியாக அவருடைய இடதுசாரி இயக்கம், தேர்தலில் நிற்க அவருக்கு சீட்டு கொடுத்தது எப்பொழுது என்று உங்களுக்கு தெரியுமா? இடதுசாரி இயக்கம் முதலில் அவரை முதலமைச்சர் வேட்பாளராக அறிவிக்கத் தயாரா? ஏண்டா? தேர்தலியே நிற்காத ஒருவரை எப்படி ஆதரிக்க முடியும்?? ஏன் நல்லகண்ணு அய்யா அவர்களுக்கு சீட்டு கொடுக்கவில்லை என்று இடதுசாரிகளை எதிர்த்து இந்த திடீர் தமிழர்கள் என்றாவது கேட்டு இருக்கிறார்களா?

நம் ஆதரவு ரஜினி என்னும் நடிகருக்கு மட்டும் அல்ல. 25 வயது வரை ஒரு பேருந்து நடத்துனராக வேறு ஒரு மாநிலத்தில் இருந்து விட்டு, மொழி தெரியாத மாநிலத்தில் தன்னுடைய கருமையான நிறத்துடன் வந்து, தன்னுடைய உழைப்பால் உயர்ந்து, பல்லாயிரம் இளைஞர்களுக்கு எடுத்துக்காட்டாய் இருக்கும் அவரது தன்னம்பிக்கைக்கு தான் நம் ஆதரவு.
இந்தியாவில் மிகவும் பிரபலமானத்துறை எது?? ஏன் உலகத்திலேயே மிகவும் பிரபலமானத்துறை எது. கலைத்துறை தானே? 100 கோடி வைத்து இருந்தால், நீங்கள் ஒரு பெரிய கட்சியிடம் சீட்டு வாங்கி, அமைச்சர் ஆகி விடலாம். ஆனால் 1000 கோடி இருந்தாலும், சினிமாவில் 40 வருடங்களுக்கும் மேலாக சூப்பர் ஸ்டாராக வளம் வர முடியுமா? காசு, பணத்தால் நிலைக்க கூடிய பதவியா அது? கடின உழைப்பு மட்டும் இல்லையென்றால் சாத்தியப்பட கூடிய ஒன்றா அது?? அந்த கடின உழைப்பைதான் நாம் ஆதரிக்கிறோம்.
நீ சிறு வயதில் இருந்து அவரையே நேசித்து வருகிறாய், உனக்கு பக்குவம் இல்லையா?? என்று ஒரு நண்பன் கேட்கிறான். நான் ரஜினியுடன் சேர்ந்து ஒவ்வொரு காலக்கட்டத்திலும் வெவ்வேறு நடிகர்களையும் நேசித்து வந்து உள்ளேன் (கார்த்திக், பிரபு இன்னும் பலர்), ஆனால் ரஜினி ஒருவர் தான் இன்றுவரை தமிழ் சினிமாவில் ராஜாவாக உள்ளார். பின், அவரை எதற்காக நாம் வெறுக்க வேண்டும்??

எம்ஜியாருக்கு பிறகு அரசியலில் வந்து தோற்றுப் போன நடிகர்களும், ரஜினியும் ஒன்றா?? சிவாஜி, பாக்யராஜ்,டி.ராஜேந்தர்,விஜயகாந்த்(கமல் உட்பட) என்று அனைவரும் மார்க்கெட் போனவுடன் அரசியலுக்கு வந்தவர்கள் . ரஜினி மட்டும் தான் எம்ஜியாருக்கு பிறகு திரையுலகில் ராஜாவாக இருக்கும்போதே அரசியலுக்கு வருபவர். எனவே தயவு செய்து இனிமேல் அவர் ஒரு கூத்தாடி என்று சொல்வதை நிறுத்துங்கள். அவர் இந்தியாவிலேயே பிரபலமான, வெற்றி பெறுவதற்கு கடினமான ஒரு துறையில், 40 வருடமாக சிங்கமாக இருக்கும் ஒருவர்.(வேறு யாரவது இந்தியாவில் 40 வருடங்களாக சூப்பர்ஸ்டாராக இருக்கிறார்களா??) எனவே அவரையும் மற்ற நடிகர்களையும் ஒப்பிடுவதே மிக பெரியத் தவறு.

வெளிநாடுகளில் எல்லாம் நடிகர்கள் அரசியலில் ஜெயிப்பது இல்லை என்று நண்பன் கூறினான். இவர்கள் எல்லாம் WHATSAPP கோஷ்டிகள். ஹாலிவுட் நடிகர் ரொனால்டுட் ரீகன் 8 வருடங்கள் அமெரிக்காவின் ஜனாதிபதியாக இருந்து இருக்கிறார். ஏன்?? அர்னால்டு கூட, அமெரிக்காவில் கவர்னராக இருந்து இருக்கிறார். ஆதலால், சினிமாவில் ஜெயித்து, அரசியலுக்கு வருபவர்களை, நீங்கள் கேவலமாக பார்ப்பது ஆச்சிரியமாக உள்ளது.

இறுதியாக, நாங்கள் ஒன்றும் வேலைவெட்டி பார்க்காமல், படிக்காமல், குடும்பத்தை கவனிக்காமல், ரஜினியை ஆதரிக்கவில்லை. அனைத்தையும் செய்து கொண்டு, நேரம் கிடைக்கும் நேரத்தில் ரஜினியை ஆதரிக்கிறோம். உலகம் முழுக்க தனக்கு வாய்ப்பு கிடைக்காதா?? என்று பலர் ஏங்கி கிடைக்கும் ஒரு துறையில், 40 வருடமாக முன்னணியில் இருக்கும் ஒரு ராஜாவை ஆதரிக்கிறோம். 20 வருடமாக அவர் பற்றிய செய்திகள் முழுவதையும் படித்து, அவரைப் பற்றி முழுமையாக தெரிந்த ஒரு காவலன் என்ற முறையில் அவரை ஆதரிக்கிறோம்.
இப்படிக்கு,
அ.அருள்செல்வன்

Thursday, January 25, 2018

நாம் தமிழர் - யார் தமிழர்??

பொங்கல் தினத்தன்று நான், என் மனைவி, எனது ஆறு மாத குழந்தையுடன் சென்னையிலிருந்து அரக்கோணத்திற்கு காரில் சென்று கொண்டு இருந்தேன். பூந்தமல்லி அருகே செல்லும்போது எங்கள் முன்னாள் ஒரு வெள்ளை நிற MARUTI SWIFT சென்று கொண்டு இருந்தது. அதன் பின்புற கண்ணாடியில் பாரதியார் படம் வரைந்து "நான் தமிழன். நாம் தமிழனாய் இணைவோம்" என்ற வாசகம் எழுதி இருந்தது. நான் என் மனைவியிடம், " இந்த மாதிரி தமிழன் என்று தன்னை விளம்பரப்படுத்துறவன் எல்லாம் மக்களை ஏமாத்துறவான தான் இருப்பான். இல்ல!! தமிழன் அப்படினு சொல்லி மக்கள் கிட்ட பணம் புடுங்குறவனா தான் இருப்பான். இவர்களால் தமிழிற்கு ஒரு பிரயோஜனம் கிடையாது. தமிழுக்காக உழைப்பவன், எந்த பிரதிபலனும் பாராமல், தன்னை விளம்பரப்படுத்தாமல், வேலை செய்வான்" என்று கூறினேன். அதற்கு என் மனைவி, " உங்களுக்கு வேற வேலையில்லை. சும்மா போங்க !!! என்று கூறிவிட்டாள் . அதற்கு மேல் அதனைப் பற்றி பேசவில்லை.



பூந்தமல்லியை தாண்டி திருமழிசை திரும்புவதற்காக என்னுடைய வண்டியை வலது பக்கமாக நிறுத்தி சிக்னலுக்காக காத்து இருந்தேன். அப்பொழுது எங்கள் காரின் பின்னால் வந்து ஒரு கார் வேகமாக மோதியது. என் மனைவியும், குழந்தையும் நிலை தடுமாறி காரின் DASHBOARD வரை சென்று வந்தனர். நான் காரை நிறுத்திவிட்டு , பின்னால் யார் என்று பார்க்கலாம் என்று இறங்கினேன். அப்பொழுது, எங்கள் முன்னாள் கொஞ்ச நேரத்திற்கு முன் சென்ற அதே வெள்ளை நிற MARUTI SWIFT கார் தான், இப்பொழுது எங்களைப் பின்னால் இடித்து இருப்பது தெரிய வந்தது. அந்த காரில் இருந்தவன், உடனடியாக REVERSE எடுத்து, இடது புறம் திரும்பி, கண் இமைக்கும் நேரத்தில் வேகமாக அங்கு இருந்து சென்று விட்டான். ஒரு மன்னிப்பு இல்லை. குழந்தை இருக்கும் காரில் யாருக்காக அடிப்பட்டு விட்டதா?? என்று கேட்கவில்லை. அவசரத்தில் காரின் நம்பரை பார்க்க மறந்து விட்டேன். அந்த கார் தூரத்தில்செல்லும் பொழுது என்னுடைய கண்ணில் தெரிந்தது ஒன்றே ஒன்றே தான்.அந்த காரின் பின்புற கண்ணாடியில் பாரதியார் படம் வரைந்து "நான் தமிழன். நாம் தமிழனாய் இணைவோம்" என்று இருந்த அந்த வாசகம் தான். இனிமேல் நீங்கள் இந்த அடையாளங்களைக் கொண்ட ஒரு காரை காண நேர்ந்தால், மனிதன் என்ற போர்வையில் ஒரு மிருகம் வண்டியில் உள்ளது என்பதை புரிந்து கொள்ளுங்கள்.

காருக்கு ஏற்பட்டுள்ள சேதத்தைப் பார்த்து விட்டு, வண்டியில் ஏறி அமர்ந்தேன். காரில் சிறிது நேரத்திற்கு பயங்கர அமைதி நிலவியது. ஒரு ஐந்து நிமிடம் கழித்து என் மனைவி," நீங்க சொன்னது சரிதாங்க, திருட்டு பசங்களா இருக்காங்க" என்று கூறினார்.

இதேபோல், தமிழ்நாட்டில் யார் உண்மையான தமிழன் , யார் விளம்பரம் பார்க்காமல் உழைக்கிறார்கள், யார் தமிழன் என்று கூறி மக்களிடம் பணம் சுரண்டிக்கொண்டு இருக்கிறார்கள், யார் தமிழன் என்று கூறி மக்களிடம் இன உணர்வைத் தூண்டிக் கொண்டு இருக்கிறார்கள் என்பது என் மனைவிக்கு புரிந்த மாதிரி மக்களுக்கும் வெகு விரைவில் புரியும்.

இப்படிக்கு,
அ .அருள்செல்வன்.

Related posts

Related Posts Plugin for WordPress, Blogger...