Saturday, December 18, 2010

ஈசன் - திரை விமர்சனம் ( Easan review)

ஈசன்- திரை விமர்சனம் 



சுப்புரமணியபுரம் தந்த பாதிப்பால் ஈசன் படத்தை முதல் நாளில் பார்த்தேன். இந்த படம் தந்த பாதிப்பால் அடுத்த சசிகுமார் படத்தை முதல் நாளில் பார்க்க மாட்டேன் என்பது மட்டும் நிஜம்.

சரி ஈசன் படத்தின் விமர்சனத்துக்கு வருவோம். ஒரு அரசியல்வாதியின் மகன் தன் சக நண்பர்களுடன் பார்ட்டி,பப் என்று வாழ்க்கையை நடத்திக் கொண்டு இருக்கிறான்.அவன் ஒரு பெண்ணை விரும்புகிறான். வழக்கம் போல் பெண்ணின் தந்தை அதற்கு எதிர்ப்பு தெருவித்து பின் அந்த காதலை ஏற்கிறார். திருமணத்துக்கு முன்பு மணமகன் காணாமல் போகிறான். அவன் எப்படி காணாமல் போனான் என்பதை நேர்மையான போலீஸ் அதிகாரி ஒருவர் விசாரணை நடத்துகிறார். அவன் எப்படி காணமல் போனான் என்பது நம் தலைவரின் நான் மகான் அல்ல திரைபடத்தில் இருந்து நாம் பார்த்ததே.

சத்தியமாக, முதல் பாதிக்கும் இரண்டாம் பாதிக்கும் ஒரு கோர்வையும் இல்லாமல் நான் பார்த்த முதல் படம் இதுதான். முதல் பாதியில் இயக்குநர் என்னதான் சொல்ல விரும்புகிறார்? நகரத்தின் வாழ்க்கையை அவர் காட்ட நினைத்து இருந்தால் இரண்டு காட்சிகளில் காட்டி இருக்கலாம். அதை இடைவேளை வரையுமா காட்ட வேண்டும்? ஒரு பெண் கற்பழிக்கபதுவதும் அதன் பின் பெண்ணிற்கு நடக்கும் உபாதைகளையும் வித்தியாசமாக காட்டுகிறோம் என்று கர்ண கொடூரமாக காட்டி இருக்கிறார். அதன் பின் இறுதி காட்சியில் வரும் வன்முறைகள்,
இதை யாரவது ஒருவர் தன் குழந்தைகளையோ? அல்லது பெண்களையோ வைத்துக்கொண்டு பார்க்க முடியுமா? என்று தெரியவில்லை. சென்சார் போர்டு அதிகாரிகள் படம் பார்க்கும்போது தூங்கி விட்டார்களா என்று தெரியவில்லை. சாதாரணமாக அனுஷ்கா கொஞ்சம் இடுப்பைக் காட்டினாலே “A” சான்றிதழ் கொடுக்கும் இவர்கள் இந்த படத்திற்கு ஏன் தரவில்லை?

படத்தின் பலம் என்று பார்த்தால் அது போலீஸ் அதிகாரியாக வரும் சமுத்துரகனியின் நடிப்புதான். பல பேர் மீசை வைத்து, உடம்பை வளர்த்து செய்யும் போலீஸ் பாத்திரத்தை தன் நடை,உடை மூலமே சிறப்பாக செய்து இருக்கிறார்.ஒளிப்பதிவாளரும் தன் பங்கை சிறப்பாக செய்து உள்ளார். ஜேம்ஸ் வசந்தனின் பின்னணி இசையும், பாடல்களும் அருமை.சசிகுமாரின் தனித்துவமும், வசனமும் சில காட்சிகளில் அவர் உள்ளே இன்னும் சிறந்த இயக்குநர் உள்ளார் என்பதை தெருவிக்குறது.

மற்றபடி, இந்த படத்தின் கதை தலைவரின் நான் மகான் அல்ல திரைப்படத்தையும், திரைக்கதை கார்த்திக்கின் நான் மகான் அல்ல திரைப்படத்தையும் எனக்கு நினைவு படுத்துகிறது.

Rating: 2/5




2 comments:

Dhiva said...

Good Review machi!!

Anonymous said...

Machi Really Eesan Nalla Illaiya da ? Very Disappointment da..I planned to go to the movie with friends da ?

Related posts

Related Posts Plugin for WordPress, Blogger...